Zgjedhjet e pjesshme lokale/ Ja emrat që kandidojnë në 6 bashkitë e vendit

8 Tetor 2025, 12:12, Politikë CNA

Zgjedhjet e pjesshme lokale/ Ja emrat që kandidojnë në 6

Të dielën e 9 nëntorit 2025 do të zhvillohen zgjedhjet e pjesshme lokale në 6 bashki të vendit. Zgjedhjet do të mbahen në bashkitë e Tiranës, Tepelenës, Matit, Cërrikut, Vlorës dhe Beratit.

Mazhoranca socialiste ka zyrtarizuar kandidatët e saj për të 6 bashkitë, ndërsa opozita vetëm disa prej tyre. Në Bashkinë e Tiranës do të zhvillohen zgjedhjet pas arrestimit të ish-kryebashkiakut Erion Veliaj.

Partia Socialiste ka kandiduar për Tiranën emrin e Ogerta Manastirliut.

Zgjedhjet e pjesshme lokale/ Ja emrat që kandidojnë në 6

Ogerta Manastirliu

Ndërsa opozita ka vendosur që të mbështesë kandidaturën e pavarur të aktorit Florjan Binaj. Kandidaturë e cila do të mbështetet edhe nga Lëvizja “Shqipëria Bëhet” dhe Nisma Thurje.

Florjan Binaj

Megjithatë në garë për krybashkiak të Tiranës, janë dhe Arlind Qori nga Lëvizja Bashkë, Marko Dajti, kryetari i Fronti të Majtë dhe kandidati i pavarur, akovati Gylsen Zhllima.

Arlind Qori

Marko Dajti

Gylsen Zhllima

Në Bashkinë e Cërrikut, vakanca u krijua pas emërimit të Andis Sallës në postin e ministrit të Bujqësisë. Socialistët kanë zyrtarizuar emrin e Florenc Dokës si kandidat për Cërrikun. Partia Demokratike zyrtarizoi emrin e Amarildo Hoxhës në këtë bashki.

Florenc Doka

Amarildo Hoxha

Vakanca në një tjetër bashki të vndit, atë të Beratit, u krijua pas kandidimit dhe marrjes së mandatit të deputetit nga ish-kryebashkiaku Ervin Demo. Për këtë bashki, PS ka kandiduar Ervin Cecën, i cili aktualisht mban postin e kryetarit të komanduar.

Ervin Ceca

Në Bashkië e Tepelenës, vakanca u krijuar pasi ish-kryetari Tërmet Peçi kandidoi dhe mori mandatin e deputetit. Partia Socialiste konfirmoi për Tepelenën emrin e Gramos Sakos si kandidat për kryetar bashkie.

Gramos Sako

Kandidimi i Agron Malajt dhe marrja e mandatit të deputetit, krijoi vakancë për kryebashkiak dhe në Bashkinë e Matit. Për këtë bashki, socialistët kanë zyrtarizuar si kandidat për kryebashkiak emrin e Altin Bojnit.

Altin Bojni

Bashkia e Vlorës shkoi në zgjedhje të parakohshme lokale pas dorëheqjes së ish-kryetarit Ermal Dredha. Partia Socialiste ka kandiduar për zgjedhjet në Bashkinë e Vlorës, Brunilda Mersinin, e cila aktualisht është deputete e Kuvendit të Shqipërisë./CNA