web counter
LEXO PA REKLAMA!

SHKARKO APP

App Store
Google Play

Krimet zgjedhore nga 11 maji/ Celibashi: Task-forca me SPAK dhe Prokurorinë, me dobi për procesin

7 Tetor 2025, 22:34, Politikë CNA

Krimet zgjedhore nga 11 maji/ Celibashi: Task-forca me SPAK dhe

Komisioneri Shtetëror i Zgjedhjeve, Ilirjan Celibashi e cilësoi sot task-forcën e përbashkët të krijuar me Prokurorinë e Posaçme(SPAK) dhe Prokurorinë e Përgjithshme për hetimin e krimeve zgjedhore nga gara e 11 majit ishte një nismë me dobi për procesin zgjedhor.

I ftuar në emisionin ‘Log.’, Celibashi deklaroi se ai vetë dhe KQZ janë pjesë e procesit dhe si të tilla nuk mund të komentojnë vijueshmërinë e procesit zgjedhor.

Sa i takon raporteve të ndërkombëtarëve për 11 majin, Celibashi tha se duhen lexuar siç janë dhe iu shtuar fjalë të tjera.

“KQZ dhe Komisioneri janë pjesë e vëzhgimit. Unë e kam mendimin tim për këtë, por nuk do të ishte i besueshëm vlerësimi im për procesin zgjedhor. Nuk ka nevojë të shtojmë fjalë të tjera të raportet e ndërkombëtarëve. Disa gjëra janë të shkruara qartë. Duhet lexuar siç është shkruar. E vërteta ime është që këto zgjedhje prodhuan qeveri të votuar nga qytetarët. Kur opozita i konsieron zgjedhjet si farsë, ka një gjë që nuk shkon. Task-forca KQZ-SPAK-Prokurorinë e Përgjithshme ishte iniciativë e 3 institucioneve e panxitur nga asnjë forcë e jashtme. Ka qenë një eksperiënce pozitive dhe me dobi për procesin zgejdhor, më së paku nuk e dëmtoi procesin”,-tha Celibashi./CNA





Lajmet e fundit nga