web counter
LEXO PA REKLAMA!

SHKARKO APP

App Store
Google Play

E fundit!

x

Gara për Tiranën/ Qori: Fitorja ime do ishte tërmet politik, Rama nuk do zgjaste as një javë në pushtet

7 Tetor 2025, 22:06, Politikë CNA

Gara për Tiranën/ Qori: Fitorja ime do ishte tërmet politik, Rama

Kandidati i Lëvizjes Bashkë për zgjedhjet në bashkinë e Tiranës, Arlind Qori ka folur mbrëmjen e sotme lidhur me pjesëmarrjen e tij në garën për kryeqytetin.

Qori u shpreh se në emisionin "Noë me Erla Mëhillin" se nëse ai fiton zgjedhjet në bashkinë e Tiranës, do të frenojë lejet e ndërtimit në kryeqytet. 

Ai tha fitorja e tij do të sillte një tërmet politik, ndërsa shtoi se kryeministri Edi Rama nuk do të mund të zgjaste as një javë në qeverisje. Qori tha se fitorja e tij do të shihej si nisja e një transformimi politik për Shqipërinë

"Nuk mund të ketë vend për ndërtime në hapësirën e Tiranës. Pjesë e një plani rregullues duhet të jetë ndalimi i ndërtimeve në unazën e qytetit. Kryetari i Bashkisë e ka në dorë dendësinë e popullimit të Tiranës. Sipas Censit ka mbi 52 mijë banesa bosh. Prandaj Tirana nuk ka nevojë për ndërtesa të mëdha.

E mendoni çfarë tërmeti do të ndodhte nëse une zgjidhem kryetar bashkie. Zoti Rama nuk do të qëndronte as një javë në pushtet. Edhe programi ynë për Tiranën, është program realizim i të cilit varet nga transformimet politike.

Ne zgjedhjet në Tiranë po i trajtojmë edhe si zgjedhje politike jo vetëm si administrative. Këto zgjedhje janë për problemet e qytetit por kandidimi im apo fitorja ime do ishte një tërmet politik. PS dhe PD janë afër sistemit, kanë interesa të njëjta. Fitorja ime do shihej si nisja e një transformimi politik për Shqipërinë. Lëvizja Bashkë ka gjykuar që unë të jem përfaqësuesi më i përshtatshëm për këto zgjedhje." u shpreh Qori./CNA





Lajmet e fundit nga