web counter
LEXO PA REKLAMA!

SHKARKO APP

App Store
Google Play

Mblidhen 6 komisione dhe Konferenca e Kryetarëve/ Diskutohet projektligji për mbetjet

8 Tetor 2025, 07:56, Politikë CNA

Mblidhen 6 komisione dhe Konferenca e Kryetarëve/ Diskutohet projektligji

Ditën e sotme do të mblidhen 6 komisione parlamentare dhe Konferenca e Kryetarëve.

Konferenca e kryetarëve do të mblidhet në orën 09:00 ku do të shqyrtohet kërkesa e një grupi deputetësh të Grupit Parlamentar të Partisë Demokratike për mocion me debat dhe ngritjen e një komisioni të posaçëm të Kuvendit të Shqipërisë në lidhje me gjetjet e OLAF për fondet nga programi IPARD.

Konferenca e Kryetarëve do të shqyrtojë edhe kërkesën e Grupit Parlamentar të PS-së për ngritjen e Komisionit të Reformës Zgjedhore dhe atij për Reformën Territoriale.

Në orën 10:00 Komisioneri për Mbrojtjen nga Diskriminimi do të prezantojë raportin vjetor për vitin 2024 në mbledhjen e përbashkët të komisioneve për të Drejtat e Njeriut dhe atij për Nismat Qytetare.

Po në orën 10:00 Komisioni për Ekonominë, Punësimin dhe Financat do të shqyrtojë projketligjin “Për menaxhimin e integrtuar të mbetjeve”.

Në 11:30 Komisionet për Kulturën, Turizmin dhe Diasporën dhe ai për Nismat Qytetare do të zhvillojnë seancë dëgjimore për raportin vjetor të ISKK-së.

Në Komisioni për Burimet Natyrore, Infrastrukturën dhe Zhvillimin e Qëndrueshëm, në orën 12:30 do të zhvillohet seancë dëgjimore me Grupet e interesit ne lidhje me projektligjin “Për menaxhimin e integruar të mbetjeve”./CNA

 

 

 





Lajmet e fundit nga