web counter
LEXO PA REKLAMA!

SHKARKO APP

App Store
Google Play

Celibashi: Ja çfarë ndodh nëse Gjykata Kushtetuese shpall të paligjshëm shkarkimin e kryebashkiakut Erion Veliaj

7 Tetor 2025, 22:58, Politikë CNA

Celibashi: Ja çfarë ndodh nëse Gjykata Kushtetuese shpall

Kreu i Komisionit Qendror të Zgjedhjeve, Ilirjan Celibashi, i ftuar në emisionin ‘Log,’, shpjegoi sesi do të procedohet në rast se Gjykata Kushtetuese shpall të paligjshëm shkarkimin e kryebashkiakut Erion Veliaj.

“Nëse vendos pezullim, zgjedhjet nuk do të zhvillohen, nëse i shpall të pavlefshme do të ribëhen.

I ndalur te debati pasi Presidenti dekretoi shpalljen e zgjedhjeve të pjesshme në 6 bashki, Celibashi tha se KQZ nuk ka kompetencë për të gjykuar dekretin e tij dhe se i qëndron vetëm vendimeve të Gjykatës Kushtetuese.

"Jam në pozita për të mos gjykuar vendimin e Presidentit. Kemi dekretin e Presidentit që thotë që në 6 bashki do bëhen zgjedhje, në mënyrë kategorike KQZ nuk ka tagër për të gjykuar këtë qëndrim, se ndryshe do konkurronim më Gjykatën Kushtetuese.  Nëse ka një vendim nga Gjykata Kushtetuese, vendimet e saj janë të detyrueshëm të zbatohen nga të gjithë.

Nëse zgjedhjet shpallen të pavlefshme, zgjedhjet përsëriten. Ajo që di të them është se nëse ka një vendim të GJK për pezullimin e zgjedhjeve apo të shpallje së pavlefshme e angazhojnë KQZ, çdo vendimmarrje tjetër nuk e angazhon. Nëse vendos pezullim, zgjedhjet nuk do të zhvillohen, nëse i shpall të pavlefshme do të ribëhen. Çdo vendimmarrje tjetër nuk ka të bëj me KQZ",-tha Celibashi./CNA

 

 





Lajmet e fundit nga