web counter
LEXO PA REKLAMA!

SHKARKO APP

App Store
Google Play

Vota e diasporës/ Denoncimi i PD-së: 137 emra figurojnë në platformën PER dhe në listat zgjedhore në Shqipëri

7 Maj 2025, 14:04, Politikë CNA

Vota e diasporës/ Denoncimi i PD-së: 137 emra figurojnë në

Juristi i Partisë Demokratike, Franc Nuri, së bashku me drejtuesen e PD-së për Diasporën, Jozefina Topalli, kanë zhvilluar një konferencë të përbashkët në lidhje me votën e emigrantëve.

Nuri tha se PD ka identifikuar të paktën 137 emra zgjedhësish nga jashtë të dubluar në lista. Pra, emrat figurojnë edhe në platformën PER për votimin nga jashtë, si dhe në listat zgjedhore në Shqipëri.

Nuri i bëri thirrje KQZ-së për pastrimin e emrave të dubluar.

Gjthashtu juristi Nuri deklaroi se, sipas informacioneve, në disa raste zgjedhësit kanë shkuar për ta dorëzuar personalisht votën në KQZ apo raste të tjera kur e kanë dërguar votën me posta të tjera, jo me atë të DHL-së.

“Ne kemi evidentuar disa emra, 137 para dy javësh, dhe nuk kemi marrë përgjigje se çfarë ndodh me emrat që figurojnë në platformën PER dhe në listat zgjedhore në Shqipëri. Presim që këta emra të pastrohen nga listat zgjedhore sepse ndryshe është krim zgjedhor.

Qytetarët kanë shkuar në ambientet e KQZ-së dhe kanë tentuar të dorëzojnë votën fizikisht apo me rrugë të tjera përveç postës DHL. Kemi bërë kërkesë për informacion për këtë rast”, tha Nuri./ CNA





Lajmet e fundit nga