web counter
LEXO PA REKLAMA!

SHKARKO APP

App Store
Google Play

E fundit!

x

Berisha-kriminelëve elektoralë në Durrës: Nuk do gjeni as vrimë miu, kudo të jeni do ju kapim

6 Maj 2025, 21:44, Politikë CNA

Berisha-kriminelëve elektoralë në Durrës: Nuk do gjeni as

Kreu i PD-së Sali Berisha ka paralajmëruar se pas 11 Majit me ardhjen në pushtet të PD-së, kriminelët elektoralë në Durrës do të marrin ndëshkimin që meritojnë.

Ai tha se edhe në vrimën e miut të fshihen do të kapen dhe do të ndëshkohen.

Për ta sipas Berishës nuk mund të ketë vend në parlament.

“Këto zonja dhe zotërinj dallojnë si nata me ditën, si e vërteta me gënjeshtrën me kandidatët e Sakos, me kandidatët e Pojës, me kandidatët e Hajrit, me kandidatët e terroristëve elektoralë, të cilët do marrin ndëshkimin më të merituar pas datës 12 maj.

Këto zgjedhje ndajnë qytetarët, atdhetarët, ndajnë ata që duan Durrësin, ndajnë njerëzit me dinjitet, ndajnë njerëzit e virtytshëm nga ata të cilët komandohen nga bandat dhe krimi dhe besojnë se mund t’i imponojnë Durrësit vullnetin e tyre.

Ja ku po e deklaroj para jush, vrimë miu nuk do gjejnë.Kudo që të jenë do i kapim, me Sakon, me Gjushin, me kandidatët e tyre.Për ta nuk ka vend në parlament. Për ta ka vend në koshin e plehrave të historisë.

11 Maji është një ditë e madhe në betejën e shqiptarëve për dinjitet njerëzor.Në betejën e shqiptarëve për mirëqenie, begati dhe punësim.Është një ditë e madhe në besimin e tyre tek Durrësi dhe Shqipëria.Shpresat dhe besimin tek e ardhmja.

Me 11 Maj, ne ndahemi nga një lëngatë. Nga një e keqe që kaploi Durrësin dhe Shqipërinë, që i varfëroi nga viti në vit shqiptarët dhe që i largoi ata nga Shqipëria”, tha Berisha./ CNA





Lajmet e fundit nga