web counter
LEXO PA REKLAMA!

SHKARKO APP

App Store
Google Play

PSD denoncon Benet Becin/ Paralajmërimi i Doshit: Do të kërkojmë hetim për çdo tenderim të dyshimtë

6 Maj 2025, 16:26, Politikë CNA

PSD denoncon Benet Becin/ Paralajmërimi i Doshit: Do të

PSD, në një deklaratë për shtyp, ka bërë me dije se nuk do të marrë pjesë në mbledhjen e Këshillit Bashkiak të Shkodrës me 7 maj, 4 ditë para zgjedhjeve.

Kryetari i PSD, Tom Doshi, thekson se Benet Beci, kreu i Bashkisë Shkodër, kërkon të kalojë në administrim plazhin e Velipojës shoqërisë aksionare të bashkisë Shkodër “Bio Strajca sh.a” dhe më pas një kompanie të lidhur me bashkëshorten e tij.

Doshi denoncon se, Benet Beci kërkon t’u grabisë qytetarëve hapësirat publike në Velipojë dhe t’i kthejë me pagesë.

Ai nënvizon se do të denoncojë dhe do kërkojë hetim për çdo tenderim të dyshimtë.

“PSD nuk do të marrë pjesë në mbledhjen e Këshillit Bashkiak të Shkodrës më 7 maj, vetëm katër ditë para zgjedhjeve parlamentare, ku përveç ndihmës sociale prej 6%, Benet Beci kërkon të kalojë në administrim plazhin e Velipojës shoqërisë aksionare të bashkisë Shkodër “Bio Strajca sh.a” dhe më pas një kompanie të lidhur me bashkëshorten e tij.

Ne nuk kushtezojmë askënd dhe jemi të gatshëm të votojmë ndihmën sociale më 13 maj, pas zgjedhjeve, por nuk bëhemi palë me korrupsionin e Benet Becit.

Benet Beci kërkon t’u grabisë qytetarëve hapësirat publike në Velipojë dhe t’i kthejë me pagesë, kaq i pangopur është. Ne si PSD do ta denoncojmë dhe do kërkojmë hetim për çdo tenderim të dyshimtë.

PSD nuk bën kompromis me abuzimin dhe kapjen e pasurive publike nga ana e kryebashkiakut Beci.

Mbetemi të palëkundur në mbrojtjen e interesit publik dhe jemi të vendosur të jemi zëri i qytetarëve dhe jo fasada e marrëveshjeve të fshehta politike apo familjare të kryetarit të bashkisë.

Ne ritheksojmë se jemi në mbështje të familjeve në nevojë të cilat janë thelbi i programit të PSD në këto zgjedhje dhe po ashtu jemi të gatshëm që ta votojmë kurdo herë pas 11 majit fondin 6% të ndihmës sociale”, thuhet në deklaratën për shtyp./ CNA





Lajmet e fundit nga