web counter
LEXO PA REKLAMA!

SHKARKO APP

App Store
Google Play

E fundit!

x

“Rama, si Enver Hoxha”/ Shkrimi në median e njohur greke në prag të zgjedhjeve

6 Maj 2025, 12:05, Politikë CNA

“Rama, si Enver Hoxha”/ Shkrimi në median e njohur greke

Një shkrim i botuar në median e njohur greke “Kathimerini”, me titull “Rama, si Hoxha”, sjell një këndvështrim tjetër për fushatën e zgjedhjeve parlamentare të 11 majit. Shkrimi, i përgatitur nga gazetari Stavros Tzimas, bën një paralelizëm, teksa shkruhet se nëse Rama fiton një mandat të katërt, do ta bëjë atë një nga udhëheqësit më jetëgjatë të Shqipërisë, ashtu si edhe Enver Hoxha.

Teksa bëhet ky krahasim me diktatorin, gazetari Tzimas u referohet edhe rezultateve të sondazheve të fundit të publikuara në mediat shqiptare. Më tej, gazetari grek nuk ngurron të përmendë se në koalicionin e opozitës, merr pjesë edhe një parti nga pakica greke. Në këtë shkrim theksohet se lideri i Partisë Demokratike, Sali Berisha, është pretendenti i vetëm që mund ta rrëzojë atë nga froni.

Gjithashtu, në shkrim analizohet edhe rezultati i zgjedhjeve të fundit, i përkthyer në mandate deputetësh në Kuvend.

Më tej, përshkruhet raporti i Edi Ramës me amerikanët dhe qëndrimet e tij publike që mund të garantojë stabilitetin brenda vendit dhe veçanërisht në harkun e mbetur të popullatave shqiptare në Ballkan.

“Megjithatë, ai është gjithashtu një politikan intrigash, arrogant, hakmarrës dhe i aftë të sakrifikojë edhe bashkëpunëtorët e tij më të ngushtë në mënyrë që pushteti i tij të mos kërcënohet, ku shembulli më tipik është arrestimi për korrupsion dhe burgosja e njërit prej bashkëpunëtorëve të tij më të ngushtë dhe pasardhësit të supozuar, kryetarit të Bashkisë së Tiranës, Erion Veliaj”,-thuhet në shkim.

Në shkrim theksohet se cilido të jetë rezultati i zgjedhjeve të 11 majit, nuk pritet një ndryshim drastik në realitetin politik, përveç një ngjarjeje tronditëse të papritur dhe as nuk ka ndonjë rrezik gjeopolitik që do të ngjallte interesin e aleatëve perëndimorë./CNA





Lajmet e fundit nga