web counter
LEXO PA REKLAMA!

SHKARKO APP

App Store
Google Play

E fundit!

x

Task-forca për krimet zgjedhore/ Celibashi: Në SPAK 115 kallëzime dhe 32 në Prokurorinë e Përgjithshme

6 Maj 2025, 11:52, Politikë CNA

Task-forca për krimet zgjedhore/ Celibashi: Në SPAK 115 kallëzime

Komisioneri Shtetëror i Zgjedhjeve, Ilirjan Celibashi, në konferencën e sotme me gazetarët ka folur dhe për task-forcën e ngritur për denoncimin e krimeve zgjedhore.

Celibashi tha se në SPAK janë 115 materiale kallëzuese nga subjektet zgjedhore, policia apo qytetarët. Nga këto, tha Celibashi, janë regjistruar 35 procedime penale.

Sa u përket kallëzimeve të bëra në Prokurorinë e Përgjithshme në lidhje me veprat penale të lidhura me zgjedhjet, Celibashi tha se janë 32 të tilla në prokurori të ndryshme të vendit.

Kreu i KQZ-së tha se për 7 prej tyre është vendosur mosfillimi i hetimit, ndërsa një i ka kaluar për moskompetencë SPAK-ut.

“Nga SPAK-u janë 115 materiale kallëzuese nga subjektet zgjedhore, policia e shtetit dhe nga qytetarët. Në total janë të regjistruara 35 procedime penale. 8 janë të regjistruara kryesisht nga vetë SPAK-u. Nga Prokuroria e Përgjithshme janë 32 kallëzime për vepra penale në fushën e zgjedhjeve, në prokurori të ndryshme. Për 7 prej tyre është vendosur mosfillimi i hetimit. Një i është kaluar për moskompetencë SPAK-ut”, tha Celibashi./ CNA





Lajmet e fundit nga