web counter
LEXO PA REKLAMA!

SHKARKO APP

App Store
Google Play

Partitë e reja/ Merkoçi: Lapaj, Qori do shkojnë te Rama, janë njerëzit e Sorosit, i njëjti brumë

5 Maj 2025, 22:16, Politikë CNA

Partitë e reja/ Merkoçi: Lapaj, Qori do shkojnë te Rama,

Analisti Fatmir Merkoçi në një intervistë për CNA ka folur për partitë e reja.

Sipas analistit nëse, Ramës do i duhen mandate Adriatik Lapaj dhe Arlind Qori do të shkojnë te Kryeministri pasi janë njerëzit e Sorosit, janë i njëjti brumë.

“Para disa kohësh bëra një shkrim ku thoja që Sorosi hodhi në treg njerëzit e rinj duke pasur parasysh që Erion Veliaj ishte në prag arrestimi dhe këta pavarësisht se çfarë deklarojnë, janë te propaganda. Nuk mund të thonë që nuk bëjnë koalicione sepse në politikë futesh për të bërë qeveri apo për të marrë pjesë në qeveri, për të ngritur zërin në Kuvend. Asnjë nga këta nuk thonë, që unë do marr pushtetin i vetëm. S’ka asnjë nga këta, në sondazhe janë shumë dobët. Sot nuk duhej diskutuar fitorja e opozitës. Nëse PD pas zgjedhjeve nuk formon dot qeveri, paritë e djathta do shkojnë te PD.  Lapaj dhe Qori, nëse Ramës do i duhen mandate do shkojnë te Rama në mënyrë kategorike, janë njerëzit e Sorosit, janë i njëjti brumë. Dalin për të marrë ca vota për tu bërë faktor, për thënë që ne jemi brezi i ri, por brezi i ri po shkatërron Shqipërinë”, tha Merkoçi për CNA.

Ndër të tjera, Merkoçi tha se duhet masivitet që opozita të fitojë zgjedhjet.

“Duhet masivitet që opozita të fitojë zgjedhjet, është një frymë që opozita duhej ta përçonte që në fillim. Ça do ndodhë me shqiptarët nëse opozita nuk fiton?

Me ça do shkojmë në Evropë me gomone, apo me pasaportën e atij? Se ai ka nxjerr një pasaportë dhe tallet me njerëzit. Nuk bëhet fushatë me video, o lulo, o edo, jo bufi jo gjarpri. Politikë është kjo? Kjo opozitë në 12 vjet, sot nuk duhet të diskutojë fitoren dhe votën duhet tja marri popullit”, tha Merkoçi./ CNA





Lajmet e fundit nga