web counter
LEXO PA REKLAMA!

SHKARKO APP

App Store
Google Play

Dokumenti për gjyqtaren Irena Gjoka/ Beleri: Informacioni është i saktë, me emra e data

5 Maj 2025, 18:32, Politikë CNA

Dokumenti për gjyqtaren Irena Gjoka/ Beleri: Informacioni është i

Fredi Beleri ka ndarë sot disa detaje të reja, pasi këtë të hënë u bë publike se ekziston një dokument që vërteton dënimin e gjyqtares Irena Gjoka në Greqi. Më herët gjatë ditës së sotme, Klodiana Gjyzari, avokatja e kreut të Partisë Demokratike, Sali Berisha, deklaroi se Fredi Beleri iu ka siguruar një dokument që provon këtë informacion. Gjyzari deklaroi se Fredi Beleri e zbuloi këtë, pas një leximi të një artikulli në gazetë.

Pikërisht për këtë çështje, ka reaguar edhe vetë Beleri. Në një lidhje direkte nga Strasburgu, Belero foli mbi çështjen në ‘Syri Tv’.

Beleri tha se ka marrë informacionin para 10 ditësh, pasi u konsultua me avokatët e tij. Beleri tha se informacioni është i vërtetë sepse ka emra dhe data në dokumentacion.

“Para 10 ditësh, pasi u konsultova me avokatët e mi. Ndodhi duke u bazuar në ligj. Pak ditë më parë, gazeta e nxori këtë shkrim. Nuk mund të manipulohej se kishte emra e data. Siç e di edhe Gjokutaj, varet si është bërë pyetja nga organet greke dhe ligjvënëse në Greqi”,-tha Beleri.

I pyetur nëse ka prioritet në marrjen e informacioneve, Beleri tha se kjo është e vërtetë, pasi ai ka bërë një kërkesë zyrtare nëpërmjet avokatëve.

“Kam prioritet sepse kam bërë kërkesë zyrtare nga avokatët. Është bërë pyetja e saktë për të marrë një përgjigje”,-tha Beleri.

Beleri tha se edhe kur është bërë vetingu ka pasur një informacion mbi këtë detaj të lidhur me gjyqtaren.

“Gjërat janë ujdisur që në fillim të vetingut. Ata që kanë bërë vetingun, kishin informacione dhe arsyetonin mbi atë që donin”,-tha Beleri./CNA





Lajmet e fundit nga