web counter
LEXO PA REKLAMA!

SHKARKO APP

App Store
Google Play

E fundit!

x

“Abuzimi me 'check up'-in është marramendës”/ Vokshi: Padi të re për koncesionet në shëndetësi

6 Maj 2025, 10:42, Politikë CNA

“Abuzimi me 'check up'-in është

Deputetja e Partisë Demokratike, Albana Vokshi, ka qenë ditën e sotme në ambientet e SPAK-ut në lidhje me padinë e bërë ndaj saj për shpifje nga Vilma Nushi.

Vokshi tha se edhe në seancën e sotme kjo akuzë u kundërshtua nga ajo dhe përfaqësuesit e saj ligjorë.

Më tej, deputetja deklaroi se ka dorëzuar prova të reja për abuzime me koncesionet në shëndetësi, si ai i "sterilizimit" apo "check up"-it.

Deputetja tha se abuzimi me tenderin e "check up"-it është marramendës.

“Sot vijoi me kundërshtitë nga ana ime apo përfaqësuesit ligjorë të akuzave për shpifje që ka bërë Nushi ndaj meje.

Është thjesht një mënyrë që e përdor Rama, Nushi ndaj përfaqësuesve të opozitës për të na bërë ne të heshtim. Për aq kohë sa ka interes publik unë do të vazhdoj të flas. Nuk ka asnjë rëndësi se çfarë  mjetesh përdor Nushi për të më bërë të hesht. Nuk do të hesht derisa të bëhet transparencë e plotë për koncesionet e strilizimit apo 'check up'-it.

Jemi në mbyllje të një kallëzimi të ri bazuar në provat e reja që kemi nga komisonet hetimore për dy koncesionet në shëndetësi. Abuzimi me 'check up'-in është marramendës. Do ta vijoj betejën time. Nuk kam asgjë me asnjë biznesmen, për atë që fitohet në mënyrë të ndershme. Për çdo lekë të abuzuar do të japin përgjigje personat përgjegjës”, tha Vokshi./ CNA





Lajmet e fundit nga