web counter
LEXO PA REKLAMA!

SHKARKO APP

App Store
Google Play

“Mos tento të telefonosh komisionerët”/Noka: Suel Çela po mbështet një të “vdekur politik”

6 Maj 2025, 10:21, Politikë CNA

“Mos tento të telefonosh komisionerët”/Noka: Suel

Sekretari i Përgjithshëm i Partisë Demokratike, Flamur Noka, ka qenë i pranishëm në një takim elektoral në Elbasan.

Në fjalën e mbajtur, Noka tha se vota më 11 maj do të jetë dhe një mesazh për Suel Çelën, për t’i thënë se Elbasani nuk mbahet me dhunë.

Më tej Noka iu drejtua Suel Çelës, të cilit i tha të qëndrojë larg nga demokratët dhe të mos tentojë t’i telefonojë.

Gjithashtu Noka tha se Suel Çela po mbështet një të “vdekur politik”.

"Është një shumicë, e cila mezi po pret datën 11 maj, për t’u dhënë një leksion barbarëve të pushtetit, për t’u dhënë një mesazh kusarëve të pushtetit, për t’i dhënë një mesazh edhe kryebanditit Suel Çela se Elbasani nuk mbahet me dhunë se Elbasani nuk mbahet me banda dhe për t’i thënë: Larg duart nga demokratët. Larg duart Suel, se nuk do të ketë qeli të errët që do të të mbajë ty. Ta harrosh ti se mund të kërcënosh demokratët. Mos tento të telefonosh as komisionerë dhe as demokratë sepse je duke bërë një krim më të shëmtuar se krimet që ke bërë. Partia Demokratike nuk do të ta falë atë që po bën. Je duke mbështetur një të 'vdekur politik'. Je duke mbështetur një 'kufomë politike', ndaj po të them se Edi Rama është në agoninë e tij politike. Do të vazhdosh edhe ti në atë drejtim me të. Nuk ka shans që demokratët e Elbasanit, që opozitarët e Elbasanit, të bëjnë mbrapsht nga kërcënimet e bandave dhe të krimit të organizuar. Ne jemi të vendosur për të ecur drejt fitores më 11 maj. Asgjë nuk na ndal sepse ne kemi moralin. Morali ynë është morali i qytetarëve të thjeshtë. Morali ynë është morali i shqiptarit të ndershëm dhe i shqiptarit dinjitoz. Të gjithë në këmbë të vërshojmë drejt kutive të votimit, të votojmë numrin 1, të votojmë Sali Berishën për të realizuar misionin e tij. Të votojmë Shqipërinë Madhështore. Fitore dhe vetëm fitore!", tha Noka./ CNA

 





Lajmet e fundit nga