web counter
LEXO PA REKLAMA!

SHKARKO APP

App Store
Google Play

21 mijë zarfe të diasporës nuk janë dorëzuar/ Celibashi: Probleme me të dhënat e adresave

6 Maj 2025, 11:26, Politikë CNA

21 mijë zarfe të diasporës nuk janë dorëzuar/

Komisioneri Shtetëror i Zgjedhjeve ka zhvilluar sot një konferencë për mediat. Në deklarimet e tij, Celibashi iu përgjigj disa pyetjeve me interes për publikun.

Ndër të tjera, Celibashi ndau një informacion të rëndësishëm lidhur me zarfet e fletëvotimeve që nuk janë dorëzuar ende për votuesit shqiptarë që janë regjistruar për të votuar në zgjedhjet parlamentare të 11 majit.

Në përgjigjen e tij, Celibashi u shpreh se kjo ka ndodhur për shkak të problematikave me të dhënat e adresave ose e-maileve.

Celibashi tha se zarfet e tyre janë ende në zyrat e kompanisë postare DHL.

“Rreth 21 mijë zarfe nuk janë shpërndarë akoma nga DHL. Janë në zyrat e tyre dhe janë në proces. Prej tyre 11 janë për shkak të problematikave të adresave, e-maileve. Nuk kanë mundur t’i gjejnë. Prandaj janë zarfet në zyrat e tyre.

Për këtë arsye, para disa ditësh kemi bërë edhe një thirrje që shtetasit të interesohen në DHL të vendit përkatës dhe të shpjegojnë se nuk u ka mbërritur fleta.

Pjesa tjetër janë shtetas që nuk janë përgjigjur dhe zarfet janë akoma në zyrat e DHL-së. Po presin nëse vetë zgjedhësit do t’i kontaktojnë”,-tha Celibashi./CNA





Lajmet e fundit nga