web counter
LEXO PA REKLAMA!

SHKARKO APP

App Store
Google Play

BE propozon planin për të hequr dorë nga gazi rus deri në fund të vitit 2027

6 Maj 2025, 15:33, Politikë CNA

BE propozon planin për të hequr dorë nga gazi rus deri në

Komisioni Europian do të propozojë muajin e ardhshëm një ndalim të marrëveshjeve të reja të gazit rus deri në fund të këtij viti dhe një ndalim të importeve sipas kontratave ekzistuese me Moskën deri në fund të vitit 2027, sipas një draft-dokumenti të parë nga "Reuters" dhe që pritet të publikohet këtë javë.

Bashkimi Europian vendosi një qëllim jodetyrues për t'u dhënë fund importeve të karburanteve fosile ruse deri në vitin 2027 pas pushtimit të plotë të Ukrainës nga Moska në vitin 2022.

Një draft i udhërrëfyesit, që përcakton se si Komisioni planifikon të heqë gradualisht energjinë ruse, tha se në qershor do të paraqesë një propozim ligjor për të ndaluar importet e mbetura të gazit rus dhe LNG sipas kontratave ekzistuese deri në fund të vitit 2027.

Siç raportohet nga mediat franceze, Komisioni gjithashtu do të propozojë në qershor një ndalim të importeve sipas marrëveshjeve të reja të importit të gazit rus dhe kontratave spot deri në fund të vitit 2025, tha drafti, i cili mund të ndryshojë ende para se të publikohet.

“Nëse zbatohet në përputhje me zhvillimet e tregut global dhe furnizuesit e besueshëm, ndërprerja graduale e importeve të gazit rus pritet të ketë ndikim të kufizuar në çmimet e energjisë europiane dhe sigurinë e furnizimit”,-thuhet në draft.

Propozimet ligjore do të kenë nevojë për miratimin e Parlamentit Europian dhe një shumicë të përforcuar të vendeve të BE-së./CNA

 

 





Lajmet e fundit nga