web counter
LEXO PA REKLAMA!

SHKARKO APP

App Store
Google Play

E fundit!

x

Berisha paralajmëron Ramën: Djegësi që nuk u ndez kurrë, do të djegë karrierën tënde politike

6 Maj 2025, 21:32, Politikë CNA

Berisha paralajmëron Ramën: Djegësi që nuk u ndez

Kreu i PD-së Sali Berisha ka paralajmëruar kryeministrin Edi Rama nga Durrësi se inceneratori që nuk ekziston do të djegë karrierën e tij politike.

Lideri i opozitës u shpreh se në 11 maj shqiptarët do t’i presin biletën Ramës.

“Në mënyrën më të papërgjegjshme, Edi Rama deklaronte mbrëmë për djegësin, për shkak të cilit ju paguanit taksën më të lartë në Europë për plehrat, 44 euro për ton pleh, ua merr Gjushi me fustan ju për Edi Ramën, dhe deklaronte mbrëmë se i thoshte gazetarit, epo u djegshi në djegës.

Pasi ka marrë 130 milionë euro, tani kur i kërkojnë llogari, u djegshi thotë.

Jo Edi Rama. Të garantoj se ai djegës që nuk u ndez kurrë, do të djegë në mënyrë përfundimtare karrierën tënde politike.

Dhe kjo që me datën 11 Maj, shqiptarët do të presin biletën.

Tre ditë në jetë janë tre ditët e jetës tonë. Janë sa 30 ditë, janë sa tre muaj, janë sa tre vite.

Ndaj dhe u ftoj ju këto tre ditë të kontaktojmë çdo të njohur kudo që është, në Durrës, në Shqipëri, në diasporë, në të katër anët e dheut. Të ftojmë të firmosim bashkë 11 Majin, ndarjen nga e keqja e madhe e kombit.

Hapjen e një kapitulli të ri për dinjitetin e durrsakëve dhe shqiptarëve”, tha Berisha./ CNA





Lajmet e fundit nga