web counter
LEXO PA REKLAMA!

SHKARKO APP

App Store
Google Play

E fundit!

x

“Rimbursojmë ilaçet me 100%”/ Berisha: Në 100 ditët e para do të ndezin motorrët e shpresës

6 Maj 2025, 18:49, Politikë CNA

“Rimbursojmë ilaçet me 100%”/ Berisha: Në 100

Kreu i Partisë Demokratike, Sali Berisha zhvilloi këtë të martë një takim zgjedhor në Berat. Në fjalën e tij para qytetarëve, Berisha tha se me programin e PD-së, në 100 ditët e para të qeverisjes do të ndodhin ndryshime të rëndëishme nga plani ekonomik.

Sipas Berishës, një ndryshim i nevojshëm është krijimi i listës së rimbursimit në masën 100% të ilaçeve.

“Në 100 ditë, Shqipëria do të ketë listën e për rimbursimin e ilaceve, rimbursimi do jetë 100%. Nuk them dot shëndetësi falas. Por listën e ribursimit do e kenë të gjithë”,-tha Berisha.

Berisha tha se çmimi i naftës do ulet, njësoj si në Maqedoninë e Veriut.

“Nafta, që kjo qeveri ju merr 1.1 euro nuk do shitet kurrë më shumë sesa në Maqedoninë e Veriut. Në 100 ditë, çdo sipërmarrje do paguajë 10%. Rrogat mbi 500 euro do të rriten automatikisht me 13%. TVSh do të zbresë në 15%”,-tha Berisha.

Berisha shtoi se në 100 ditët e para do të ndezin motorrët e shpresës për qytetarët.

“Këto 100 ditë na duhet për të rikthyer paratë dhe për të dhënë një mundësi për çdo shqiptar. Dua që me eksperiencën që kam, ndjeshmërinë dhe pasionin, të bëj gjithshka brenda 100 ditëve dhe të ndezim motorrët e shpresës”,-tha Berisha./CNA





Lajmet e fundit nga