web counter
LEXO PA REKLAMA!

SHKARKO APP

App Store
Google Play

“Ndryshimi nuk vjen as nga Europa as nga Amerika”/ Shehaj: Duhet të marrim fatin tonë në dorë

6 Maj 2025, 20:59, Politikë CNA

“Ndryshimi nuk vjen as nga Europa as nga Amerika”/ Shehaj: Duhet

Kryetari i Partisë “Mundësia”, Agron Shehaj në takimin përmbyllës në Vlorë, deklaroi se ka ardhur momenti që shqiptarët të marrin në dorë fatin e tyre.

Shehaj theksoi se ndryshimi nuk do të vijë nga jashtë por do të vijë ditën që shqiptarët do të marrin në dorë fatin e tyre.

Ai nënvizoi se kjo do të ndodhë nga 11 Majni ku ata të votojnë kandidatët që i përfaqësojnë dhe jo ata kandidatë që nuk iu intereson qytetari por u intereson të pasurohen vetë.

Shehaj tha se qëllimi i partisë Mundësia është tu kthejë shqiptarëve lirinë për t’ia dalë në vendin e tyre.

“Në Shqipëri vazhdojmë e presim që ndryshimi të vijë nga jashtë, Europa, Amerika. Ne duhet të marrim në dorë fatin tonë kjo është e vetmja zgjidhje. Nuk ka zgjidhje tjetër. Ndryshimi ka për ta ardhur ditën që ne do të marrim në dorë fatin tonë. Fatin tonë do ta marrim që nga 11 maji me kandidatë që ju përfaqësojnë jo me kandidatët që shikojnë punët e tyre dhe pasurohen. Kjo është arsyeja pse krijuam partinë Mundësia. Ka kaluar një vit nga dita kur morëm iniciativën dhe thamë nuk do të presim më dhe do të marrim në dorë fatin tonë.

Fillimi është gjithmonë i vështirë dhe vështirësitë ne nuk na pengojnë përkundrazi na bëjnë më të fortë. Na bëjnë më largpamës na bëjnë më të vendosur se ne realisht kemi një vizion duam tu japim shqiptarëve atë që nuk kanë patur kurrë lirinë për t’ia dalë në vendin e tyre. Kjo është ëndrra jonë dhe për këtë do luftojmë”, tha Shehaj./ CNA





Lajmet e fundit nga