web counter
LEXO PA REKLAMA!

SHKARKO APP

App Store
Google Play

E fundit!

x

“Po manipulohen votat e diasporës”/ Topalli: SPAK-u të hetojë ata që thyejnë vullnetin e qytetarëve

7 Maj 2025, 14:00, Politikë CNA

“Po manipulohen votat e diasporës”/ Topalli: SPAK-u të

E deleguara politike e Partisë Demokratike për Diasporën, Jozefina Topalli, zhvilloi sot një konferencë për shtyp me gazetarët. Nga selia e PD-së, Topalli hodhi akuza se votat e diasporës po manipulohen.

Topalli tha se janë evidentuar edhe raste kur ata që kanë votuar jashtë, të gjejnë emrin edhe te lista në Shqipëri. Topalli e konsideroi këtë situatë si shkelje të rregullave të Kodit Zgjedhor.

Topalli u kërkoi ndërkombëtarëve dhe Prokurorisë së Posaçme, SPAK, që të nisin kontrollet dhe hetimet.

“Nuk jemi thjesht në kushtet e shkeljeve zgjedhore, por në të gjitha lokalet e lojërave të fatit po ndodh kjo gjë. Kjo e ka emrin manipulim të rezulatit zgjedhor në Greqi.

Kërkoj nga OSCE/ ODIHR që të ketë kontroll nga ndërkombëtarët. Kërkojmë monitorimin prej tyre. KQZ të bëjë auditim të kompanisë dhe kontroll të kutive të votimit gjatë dërgesës në Greqi. I kërkojmë SPAK-ut të hetojë se kush janë ata që thyejnë vullnetin e qytetarëve që shprehin qëndrimin e tyre.

Po ndodh që ata që kanë votuar jashtë, të gjejnë emrin te lista në Shqipëri. Jemi në kushtet kur nuk janë respektuar rregullat e Kodit Zgjedhor.

Juristët kanë dërguar në KQZ edhe kërkesë me juristin tonë Franc Nuri”,-tha Topalli./CNA





Lajmet e fundit nga