web counter
LEXO PA REKLAMA!

SHKARKO APP

App Store
Google Play

Vota e diasporës/ Rama, thirrje emigrantëve: Kthejini zarfet në pikat postare të DHL-së

7 Maj 2025, 10:52, Politikë CNA

Vota e diasporës/ Rama, thirrje emigrantëve: Kthejini zarfet në

Kryeministri Edi Rama me anë të një videoje në rrjetet sociale është ndalur sërish te shpërndarja dhe kthimi i zarfeve të votës së diasporës.

Rama tha se pjesëmarrja është e lartë, si dhe u bëri thirrje emigrantëve të shkojnë t’i dorëzojnë zarfet në pikat postare të DHL-së.

“Po shoh të dhënat e KQZ-së dhe të zarfeve të dorëzuara në KQZ. Jemi në një situatë ku është vërtetë inkurajuese pjesëmarrja e lartë, por si hera e parë duhet të jetë shumë më e lartë besoj unë. Do t'u thosha shqiptarëve të Italisë që janë në krye, forca. Janë edhe 21 mijë zarfe të padorëzuar. Do t’u thosha shqiptarëve në Greqi që janë mbrapa, jo për fajin e tyre, por për kompaninë e dorëzimit, forca, forca, forca. Ka akoma kohë. Mos prisni më që të vijnë t’ua marrin zarfet, por kthejini mbrapsht në pikat postare të DHL-së. Në Gjermani ka 7 mijë zarfe pa dorëzuar, bëni një përpjekje të fundit. Në SHBA ka mbi 5 mijë pa dorëzuar, etj. Në total ka një shifër inkurajuese. Ka 15 mijë të dorëzuara nga 17 mijë të shpërndara në vende të tjera. Do t'ju lutesha të ecim sa më shpejt, është një votë historike, një moment historik. Do të ishte gjynah që pas këtij mundimi për regjistrimin të mos bëni mundimin për të dorëzuar fletën e votimit. Në total jemi në 65%, fluksi mbetet i lartë, por ditët shkurtohen. Deri të premten gjithçka duhet të jetë përfunduar, kështu që forca, për Shqipërinë me BE në Europë, për pasaportën europiane të shqiptarëve dhe identitetin europian”, tha Rama./ CNA





Lajmet e fundit nga