E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Në Shqipëri kanë nisur ‘ethet’ zgjedhore"/ Media greke shkruan për betejën Rama-Berisha për 11 majin

7 Maj 2025, 13:27, Politikë CNA

“Në Shqipëri kanë nisur ‘ethet’

Një shkrim i botuar në median e njohur greke ‘CNN-GR’ thekson betejën Rama-Berisha në prag të zgjedhjeve të 11 majit. Shkrimi është përgatitur nga gazetarja Maria Tsilinikou.

Në median greke theksohet se beteja tanimë zhvillohet mes dy liderëve të partive të mëdha, kryesocialistit Edi Rama dhe kryedemokratit Sali Berisha, se cili do të jetë në krye të vendit apo nëse do ta marrë pushtetin një nga kundërshtarët politikë.

Theksohet se zgjedhjet konsiderohen vendimtare për vendin, pasi Shqipëria është në negociata të plota për anëtarësim në Bashkimin Europian.

Në shkrim ka një element ku shprehet disi me ironizim për rregulloren e BE-së dhe vihet theksi te pakicat kombëtare, ku bën pjesë edhe ajo greke. Shkruhet se pranimi i vendeve të reja në Bashkimin Europian rregullohet nga Neni 49 i Traktatit për Bashkimin Europian dhe një vend që dëshiron të bëhet anëtar i BE-së duhet, ndër të tjera, të respektojë vlerat e përbashkëta të shteteve anëtare të BE-së dhe të jetë i përkushtuar për promovimin e tyre, siç janë liria, demokracia, barazia, sundimi i ligjit dhe respektimi i të drejtave të njeriut, përfshirë edhe për personat që u përkasin pakicave.

Në këtë betejë politike që përshkruhet nga media greke, përmendet edhe një betejë tjetër, ajo e sulmeve për çështje ligjore mes Ramës dhe Berishës, mes akuzave dhe kundërakuzave gjatë kohës kur Berisha ishte në masën e sigurisë ‘arrest shtëpie’ dhe u ngritën një sërë deklaratash se kjo mund të kishte prapavijë politike.

Vëtëm pak ditë para mbajtjes së zgjedhjeve parlamentare të 11 majit, ku për herë të parë voton edhe diaspora, e ku ka pasur edhe qëndrime për problematika që lidhen me zarfet e fletëvotimeve në Greqi, në mediat greke janë publikuar disa shkrime mbi politikën dhe situatën para zgjedhjeve në Shqipëri./CNA