web counter
LEXO PA REKLAMA!

SHKARKO APP

App Store
Google Play

Mbërrijnë materialet zgjedhore në Shkodër/ Të shtunën nis shpërndarja në 106 qendra votimi

7 Maj 2025, 12:11, Politikë CNA

Mbërrijnë materialet zgjedhore në Shkodër/ Të

Teksa na ndajnë edhe 4 ditë nga procesi i votimit, në Shkodër materialet zgjedhore kanë mbërritur. Në qark janë 8 komisione zonale të administrimit zgjedhor të cilat kanë marrë në dorëzim të gjitha materialet e nevojshme. KZAZ nr. 2 është më e madhja, duke qenë se përfshin një pjesë të qytetit, si dhe njësitë administrative në Bashkinë Shkodër. Kryetari i saj, Gazmir Jahiqi, tregon se po bëhen plotësimet e nevojshme dhe të shtunën nis shpërndarja në 106 qendrat e votimit që kjo KZAZ ka.

Mbërrijnë materialet zgjedhore në Shkodër/ Të

“Ndodhemi në KZAZ nr. 2 Shkodër. Është një nga KZAZ-të më të mëdha, thuajse në të gjithë Shqipërinë. Janë 106 Qendra Votimi, me rreth 71 mijë votues. Materialet zgjedhore kanë mbërritur. Jemi duke përpunuar materialet e nevojshme që ditën e shtunë të fillojmë shpërndarjen. Besoj që çdo gjë do të shkojë mbarë. Shpërndarja do të fillojë të shtunën rreth orës 10:30, për arsye se njësitë administrative që kemi janë me largësi relativisht të mëdha. Kështu që, deri më tani jemi në rregull dhe besoj që të na shkojë mirë deri në fund”,-tha Jahiqi.

KZAZ nr.1 është e vendosur në Bashkinë Malësi e Madhe, ndërsa KZAZ 2, 3, 4 dhe 5 në qytet. KZAZ 6 administron zonën e Vaut të Dejës, 7 dhe 8 Pukën dhe Fushë-Arrësin. Sipas administratorëve, janë marrë të gjitha masat që çdo Qendër Votimi të ketë kushtet e nevojshme, së bashku me internet dhe energji elektrike./CNA





Lajmet e fundit nga