web counter
LEXO PA REKLAMA!

SHKARKO APP

App Store
Google Play

E fundit!

x

Veliaj, shantazhe ndaj prokurorit Dado/ Shantazhues i përsëritur ndaj drejtësisë

20 Shkurt 2025, 14:21, Politikë CNA

Veliaj, shantazhe ndaj prokurorit Dado/ Shantazhues i përsëritur ndaj

Deputeti i PL-së, Petrit Vasili në një postim në rrjetet sociale rikthen në vëmendje protestat që kryebashkiaku Erion Veliaj organizonte në vitin 2016 kundër drejtësisë duke thënë se ai është një shantazhues i vjetër i saj.

Vasili thotë se në vitin 2016 prokurori Olsa Dado nisi hetimin por nuk e dënoi Veliajn për protestën para Gjykatës së Apelit dhe pse fyente dhe kanoste dhe merrte pjesë në tubime të paligjshme.

Veliaj, shantazhe ndaj prokurorit Dado/ Shantazhues i përsëritur ndaj

 

"Veliaj është një shantazhues i përsëritur ndaj drejtësisë!

Veliaj që në vitin 2016 me protestën përpara Gjykatës së Apelit Administrativ vendosi precedentin e parë në historinë e Shqipërisë kur shteti organizonte me punonjësit e vet një protestë ndaj institucioneve të drejtësisë.

Lidhur me këtë precedent shumë të rrezikshëm më 13 maj të vitit 2016, Prokurori Olsi Dado në atë kohë u kërkoi bile disa televizioneve pamjet filmike të protestës dhe Prokuroria e Tiranës regjistroi kryesisht procedimin penal me numër 3910 të vitit 2016, që bënte fjalë për veprën penale të organizimit dhe pjesëmarrjes në grumbullime dhe manifestime të paligjshme, kanosja e gjyqtarit dhe fyerja e gjyqtarit.

Olsi Dado nuk kërkoi atëherë dënimin e merituar të Veliajt për këtë precedent të jashtëzakonshëm antishtet dhe antiligj, ndaj edhe nuk kemi dëgjuar atëherë, lumin e të sharave, që Veliaj po shpraz sot ndaj tij.

Është një hipokrizi vërtet e pështirë kur dëgjon sot moralin që bëjnë deputetët rilindas për të lënë të qetë drejtësinë, kur në atë kohë në 11 maj 2016 deputetë të Edi Ramës si Gaçi, Abazi etj., i bënin presion drejtësisë dhe protestonin përpara Gjykatës së Apelit Administrativ për interesat e Veliajt.

Hipokrizi pakufi. Veliaj që bënte sikur protestonte dikur kundër betonizimit është po ai që ka betonizuar në çdo cep e qoshe Tiranën si askush tjetër, duke dhënë leje për qindra kulla edhe në zemër të Tiranës dhe ku nga 8 mijë apartamente bosh që gjeti i ka çuar në 52 mijë apartamente bosh.

Fotot e asaj kohe flasin vetë dhe nuk kanë nevojë për më shumë komente", shkruan Vasili./CNA





Lajmet e fundit nga