web counter
LEXO PA REKLAMA!

SHKARKO APP

"Bashkëpunim i frytshëm me Budestagun"/ Balla pret delegacionin e Ministrisë së Jashtme të Gjermanisë

20 Shkurt 2025, 12:41, Politikë CNA

"Bashkëpunim i frytshëm me Budestagun"/ Balla pret

Ministri i Shtetit për Marrëdhëniet me Parlamentin, Taulant Balla, priti delegacionin e Ministrisë së Jashtme të Gjermanisë të kryesuar nga Michael Reiffenstuel, me të cilët diskutoi mbi marrëdhëniet e shkëlqyera mes dy vendeve tona, procesin e anëtarësimit të Shqipërisë në BE dhe progresin e reformave të ndërmarra.

"Bashkëpunim i frytshëm me Budestagun"/ Balla pret

Në takim u riafirmua angazhimi për të forcuar partneritetin strategjik mes Shqipërisë dhe Gjermanisë.

Ministri Balla vlerësoi angazhimin e Gjermanisë, duke përmendur rolin kyç të saj si një ndër mbështetësit më të fuqishëm të zgjerimit të BE-së. Ai gjithashtu theksoi mirënjohjen për Bundestagun dhe qeverinë gjermane për përkrahjen e fortë ndaj reformës në drejtësi dhe procesit të integrimit.

"Një tjetër dimension i rëndësishëm i marrëdhënieve mes Shqipërisë dhe Gjermanisë është bashkëpunimi i frytshëm mes Kuvendit të Shqipërisë dhe Bundestagut Gjerman. Në vitet e fundit ka pasur një shkëmbim intensiv vizitash dhe përvojash. Bashkëpunimi i ngushtë mes dy parlamenteve ka ndihmuar gjithashtu në forcimin e demokracisë parlamentare në Shqipëri dhe në ndarjen e praktikave më të mira për legjislacionin dhe mbikëqyrjen parlamentare", tha Balla.

Duke u ndalur në çështjet rajonale, delegacioni gjerman rikonfirmoi mbështetjen për liberalizimin e vizave për Kosovën dhe dialogun Kosovë-Serbi./ CNA





Lajmet e fundit nga