web counter
LEXO PA REKLAMA!

SHKARKO APP

App Store
Google Play

E fundit!

x

Standardet e drejtësisë dhe telefonatat e Edi Ramës ndaj prokurorëve

19 Shkurt 2025, 19:09, Politikë CNA

Standardet e drejtësisë dhe telefonatat e Edi Ramës ndaj

Kryeministri Edi Rama ka reaguar sot sërish, duke thënë se është ai avokati i SPAK-ut, është ai njeriu që e themeloi, por nuk po bën asgjë atje, asgjë tjetër.

Thjesht dhe vetëm po kërkon standarde. Pasi nuk është sulm ai që bën ai. Nuk është sulm të sulmosh, anatemosh, fyesh, shash, apo kërkcënosh me mesazhe, por të kërkosh standarde. Kjo është lëvizja që ka bërë e deklarua Rama.

Por, le t’i kujtojmë kryeministrit Rama se cili është standardi.

Standardi është ky që ka dalë sot nga SPAK, ku flitet për 10% të të arrestuarëve atje në total nga ky institucion. Kush e ka bërë pjesën tjetër?!

Së dyti, a është standard të telefonosh prokurorët, siç ka bërë Edi Rama vite më parë, duke iu kërkuar të arrestoheshin shqiptarët për vjedhjet e energjisë, për ndërtimet pa leje, apo për drejtimin e mjetit në gjendje të dehur?!

Po!Po. Dhe mbajnë përgjegjësi edhe para çdo gjykate, se kryeministri në atë kohë merrte drejtuesit e prokurorive dhe ata thërrisnin prokurorët: “Arrestoni njerëzit!”, për vepra që parashikoheshin në 3 vjet heqje lirie.

Dikush që vidhte energji për tu ngrohur, dikush tjetër që rregullonte çatinë dhe vdiq në burg, apo dikush tjetër për pipën e alkoolit, dilte 0.4 apo dilte 0.6, se kish pirë 2 apo kish pirë 3 birra. Dhe këta përfundonin në burg.

Ky është standardi i Edi Ramës, jo standardi i drejtësisë.

Ky është standardi i Edi Ramës që ka bërë që 351 mijë shqiptarë të kenë dëshmi penaliteti me dënim, për vepra penale të parashikuara nga 0 deri në 3 vjet.

Njerëz që duhet të ndiqeshin në gjendje të lirë dhe merreshin në telefon dhe ushtrohej presion e kërcënoheshin prokurorët, pse nuk arrestonin për veprat që thoshte Edi Rama.

E ndërsa sot, kur në një dosje korrupsioni, kërkon të ketë popullin në burg dhe kur shkon drejtësia tek njerëzit e tij dhe tek Erion Veliaj, me vepra penale që shkojnë deri në 15 vite heqje lirie, kërkon tjetër standard.

Megjithëse e sheh që ai dhe bashkëpunëtorët e tij kanë shkuar të prishin provat, dhe megjithëse e sheh se janë të provuara në dhjetëra faqe, faktet që kanë çuar pas prangave Erion Veliajn. Dhe për më tepër, në një dosje ku janë 8 persona të akuzuar, vetëm 2 janë në burg, 6 të tjerët ndiqen në gjendje të lirë. Ku është standardi?

Kur ka histori korrupsioni të lihen të lirë, e kur ka qytetarë për vepra penale më të lehta, që mund ta kene edhe mga halli edhe atë çatinë, edhe atë vjedhjen e energjisë. Ata duhen arrestuar, ata duhet të jenë në burg. Ky është standardi i Edi Ramës.

Ka ndotur e dënuar 350 mijë shqiptarë. I kanë dëshmitë e penalitetit sot me dënim, thjesht dhe vetëm nga telefonatat dhe presioni që ushtronte Edi Rama dhe qeveria e tij ndaj prokurorëve, që ju thoshte: “Shikoni, se policia po i ndjek penalisht, ju pse i lironi?”

Ndërsa sot, kërkon standard, për të lënë të lirë dikë që rrezikon 15 vjet burg, dikë që kërcënon prokurorët, dikë që publikon adresa, dikë që tregon dhëmbët, shantazhon gjyqtarët, përfshirë këtu dhe kryeministrin.

Por ajo që bëri Erion Veliaj nga burgu është vepër penale. Ajo që bën kryeministri gjithashtu duhet regjistruar si e tillë.

Por në qoftë se flasim për politikën dhe për moralin, Edi Rama me standardin e tij, për të goditur popullin, për ta future në burg, ka ndëshkuar 350 e kusur mijë shqiptarë, por i vjen keq për standardin e Erion Veliajt, jo për qytetarët e thjeshtë, ndërkohë që veprat penale të Erion Veliajt, siç e përmendën më lart janë 5-fishi i atyre veprave, për të cilat janë ndëshkuar qytetarët e pambrojtur, ndërsa Erion Veliaj duhet të ketë standard sepse ka avokat Edi Ramën./CNA 





Lajmet e fundit nga