web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i Veliajt/ Analisti: Nuk ka asnjë dilemë, kryebashkiaku e ka vendin aty ku është

19 Shkurt 2025, 13:32, Politikë CNA

Arrestimi i Veliajt/ Analisti: Nuk ka asnjë dilemë, kryebashkiaku e

Analisti Armand Shkullaku, i ftuar në "Syri TV", ka folur për arrestimin e kryebashkiakut Erion Veliaj dhe hetimin pasuror ndaj tij dhe bashkëshortes Ajola Xoxa. Shkullaku tha se për herë të parë SPAK arrestoi një njeri në detyrë dhe këta nxjerrin dhëmbët.

Analisti u ndal dhe te vendimi i GJKKO në lidhje me Veliajn. Shkullaku tha se sipas dosjes nuk ka asnjë dilemë që Veliaj e meriton të jetë i arrestuar.

 

“Rasti i dytë, më vjen shumë keq që përmenden apo numërohen të brendshmet e Xoxës, por nuk e kam dëgjuar të ju vinte keq teksa botonin lajmet se në shtëpinë e gruas së Ahmetajt u gjetën vibratorë, etj., etj., ndërkohë që edhe ky tjetri ka shtëpi e familje, e ky standard i dyfishtë vetëm i bën qesharakë", - tha Shkullaku.

Kjo e mediave që ju thatë, por në përgjithësi edhe qëndrime të eksponentëve të mazhorancës, jemi në një situatë qesharake pasi janë ata që thonë se SPAK po përdoret politikisht. Nëse kemi qenë ne, që për vite me radhë kemi treguar me fakte se SPAK po përdoret politikisht, tani kanë dalë këta që po e thonë, pra është rasti i parë ku arrestohet një njeri në detyrë e këta nxjerrin dhëmbët ndaj SPAK-ut. Janë të njëjtët që thonë ‘sa makabër këta të SPAK-ut’, shikojnë lodrat e fëmijëve dhe thonë se vila është e tyre.

Vila në Palasë p.sh., sepse unë i kam parë të dyja dosjet, është blerë nga qytetare zvicerane me transfertë bankare e cila ka qenë e vërtetuar nga SPAK-u, megjithatë ka pasur dyshime sepse meqenëse aty janë emrat e fëmijëve, janë veshjet e fëmijëve të Ahmetajt atëherë edhe kjo vilë duhej të ishte e Ahmetajt, kanë pyetur arkitektin, shoferin. Pra është e njëjta situatë. Atëherë nuk pamë dikë që të thoshte se çfarë është kjo, si mund të shërbejë si provë sepse ka emrat apo rrobat. Rasti i dytë, më vjen shumë keq që përmenden apo numërohen të brendshmet e Xoxës, por nuk e kam dëgjuar të ju vinte keq teksa botonin lajmet se në shtëpinë e gruas së Ahmetajt u gjetën vibratorë, etj., ndërkohë që edhe ky tjetri ka shtëpi e familje, e ky standard i dyfishtë vetëm i bën qesharakë. Kurse sa i takon dosjes unë e kam lexuar dhe me atë dosje Veliaj e ka vendin aty ku është e nuk ka asnjë dilemë”, tha Shkullaku./ CNA





Lajmet e fundit nga