web counter
LEXO PA REKLAMA!

SHKARKO APP

App Store
Google Play

E fundit!

x

Vendimet e qeverisë/ Hapet ambasada shqiptare në Bruksel

19 Shkurt 2025, 15:13, Politikë CNA

Vendimet e qeverisë/ Hapet ambasada shqiptare në Bruksel

Në mbledhjen e kësaj të mërkure, Këshilli i Ministrave ka vendosur hapjen e ambasadës shqiptare në Bruksel.

Shpenzimet për hapjen do të përballohen nga buxheti i miratuar për Ministrinë për Europën dhe Punët e Jashtme.

 

Vendimi i Këshillit të Ministrave

 

V E N D I M
PËR

HAPJEN E MISIONIT TË PËRHERSHËM TË REPUBLIKËS SË SHQIPËRISË PRANË BASHKIMIT EVROPIAN

Në mbështetje të nenit 100 të Kushtetutës dhe të pikës 1, të nenit 21, të ligjit nr.23/2015, “Për shërbimin e jashtëm të Republikës së Shqipërisë”, me propozimin e ministrit për Evropën dhe Punët e Jashtme, Këshilli i Ministrave

V E N D O S I:

1. Hapjen e Misionit të Përhershëm të Republikës së Shqipërisë pranë Bashkimit Evropian.

2. Shpenzimet për hapjen e këtij misioni përballohen nga buxheti i miratuar për Ministrinë për Evropën dhe Punët e Jashtme, për vitin 2025.

3. Ngarkohet Ministria për Evropën dhe Punët e Jashtme për zbatimin e këtij vendimi.

Ky vendim hyn në fuqi pas botimit në “Fletoren zyrtare”./ CNA





Lajmet e fundit nga