E fundit!

16:05 Aktualitet

Tensioni Meta-Kryemadhi në GJKKO/ Avokati sqaron situatën: Dyshoi për komplot

Kujtim Cakrani, avokati i ish-presidentit Ilir Meta, dha d...

Pseudostandardet e Ramës

19 Shkurt 2025, 14:29, Politikë REDAKSIONALE

Pas arrestimit të kryebashkiakut Erion Veliaj, kryeministri Edi Rama ka reaguar si i çmendur ndaj prokurorit dhe gjyqtarit të çështjes.

Në disa raste në daljet e tij publike Rama u është drejtuar prokurorit dhe gjyqtarit me një gjuhë intimiduese duke i quajtur ortakë apo kamikazë dhe ekstremistë të djathtë.

Në të tjera deklarata publike Rama ka bërë sikur ka dalë në mbrojtje të drejtësisë duke thënë se do ta mbështesë, por kërkon të ruajë standardet.

Dy anët e medaljes së Ramës/ Merr në mbrojtje dhe sulmon drejtësinë
19 Shkurt, 13:43

Por cilat janë standardet sipas Kryeministrit?

Pasi nuk është standard të sulmosh prokurorin me emër, nuk është standard të shpikësh mesazhe, të thuash më ka ardhur ky mesazh për këtë prokuror dhe për këtë gjyqtar. Standard është të marrësh të lexosh vendimin e gjykatës. Faktet dhe provat. Të lexosh se si Klotilda Bushka ka shkuar të prishë provat duke intimiduar dëshmitarët. Ndërkohë që Edi Ramës i ka deklaruar se nuk ka bërë asgjë vetëm se e ka këshilluar. Megjithëse Klotilda Bushkës i ndalohet dhe të këshillojë se është deputete në detyrë.

E dyta tha për vendimin e gjykatës që është një roman. Nuk janë roman 365 faqe vendim gjykate, por ka fakte dhe prova, siç dolën qelizat telefonike, siç doli vila, siç dolën prerjet me 500 të mëdha, jo 75 mijë siç pretendon Ajola, po mbi 800 mijë euro blerje. Po ato 650 milionë që bënte blerje Erald Ismaili? Po rreth 200 milionë të tjera të bëra nga Ajola dhe nëna e Ajolës bashkë?

Kjo është t’i kërkosh standarde drejtësisë. Të falënderosh drejtësinë për provat e gjetura dhe t’i kërkosh t’i mbrojë me kokëfortësi në gjykatë që të ndalet korrupsioni sepse duke luftuar qoftë dhe Erion Veliajn është më e lehtë vajtja në Europë.

Jo duke kërkuar standarde hipokrite nga njëra anë të shash dhe nga ana tjetër të flasësh për rrugën e Shqipërisë në Europë.

Në BE rruga është e mbyllur po sulmove drejtësinë kur kapin fakte dhe prova korrupsioni të zyrtarëve të lartë përfshirë dhe ata që pretendohej se i kishte shitur Rama vetë apo dhe këtë që e ka bashkëpunëtorin e tij më të ngushtë. Ndoshta Rama me këto pseudostandarde po tregon se sa bashkëpunëtor ka qenë në hallet e Erion Veliajt./ CNA