E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Dy “fytyrat” e Ramës

20 Shkurt 2025, 09:35, Politikë CNA

Kryeministri Edi Rama e ka bërë tashmë të rrugës të luajë rolin e mbrojtësit dhe sulmuesit ndaj SPAK-ut, prokurorëve dhe gjyqtarëve.

Rama ka treguar dy fytyrat e tij në lidhje me drejtësinë e re, duke u rreshtuar në të njëjtën linjë si Berisha dhe Meta, që e sulmojnë kur godet ata dhe e mbrojnë kur godet kundërshtarin.

Të njëjtin front ka dhe Kryeministri Rama në këtë periudhë, pasi duket se është “çmendur” pas arrestimit të Erion Veliajt dhe sulmon prokurorin dhe gjyqtarët pasi duket se i konsideron si “kundërshtarët” e tij.

Nga ana tjetër shfaq anën tjetër të medaljes, duke thënë se do t’i japë mbështetjen maksimale SPAK-ut të bëjë punën e tij, por duke përmendur ruajtjen e standardeve.

Por ruajtja e standardeve nuk bëhet duke përdorur gjuhë intimiduese dhe kërcënuese ndaj gjyqtarëve, por duke analizuar faktet dhe provat e paraqitura në një vendim 400 faqe nga gjykata që tregon se si kryebashkiaku ka kryer korrupsion, duke shpërdoruar detyrën e tij.

Deklaratat e Ramës

Duhet të flasim për standarde dhe barazinë reale para ligjit, edhe prokurorët edhe të akuzuarit dhe gjykatësit dhe të gjithë që ndjekin procesin.

Drejtësia e pavarur për aq sa kontribuon për të ulur Shqipërinë në BE është frut i vizionit, i vullnetit dhe përpjekjes titanike të PS-së. Nuk e solli Amerika dhe nuk e merr dot me vete. Jemi ne që e kemi dëshiruar dhe e kemi nënshkruar në programet tona, është frut i qëndrimit tonë të prerë. Amerika ka dhënë një mbështetje të madhe në procesin e reformës, por pavarësia e institucioneve të drejtësisë varet nga PS-ja. Nëse PS e lëshon këtë llogore, e keni parë që të gjithë janë kundër dhe në bombardimin e SPAK dhe drejtuesit të SPAK me shantazh, fyerjesh e kështu me radhë.

Ne kemi heshtur për t’i dhënë mbështetje absolute strukturës së re të drejtësisë. Kemi qepur gojën dhe i kemi lënë të bëjnë punën e tyre.

Gabimet e tyre janë gabime që kushtojnë jetë njerëzish, trauma dhe plagë psikologjike ndonjëherë të pariparueshme. Nuk ka alternativë tjetër përveçse një drejtësie të pavarur.

Të pavarurën e kemi para syve, profesionalen duhet të luftojmë bashkë ta konsolidojmë. Ka shumë gjëra pozitive dhe negative. Kur cenohet dinjiteti dhe shkatërrohet jeta e tjetrit për një budallallëk profesional është shumë./ CNA