web counter
LEXO PA REKLAMA!

SHKARKO APP

App Store
Google Play

E fundit!

x

FAKTI-Rama kapet duke gënjyer

20 Shkurt 2025, 11:45, Politikë CNA

FAKTI-Rama kapet duke gënjyer

Kryeministri Edi Rama është kthyer në një nga sulmuesit kryesorë të SPAK-ut, prokurorëve dhe gjyqtarëve të këtij institucioni.

Reagimet e tij me një gjuhë intimiduese erdhën si pasojë e arrestimit të kryebashkiakut të tij, Erion Veliaj, i cili u prangos si i dyshuar për veprat penale korrupsion dhe pastrim parash.

Sot, gjatë bashkëbisedimit me ndjekësit në rrjetet sociale, u shpreh se “Nëse PS e lëshon këtë llogore, e keni parë që të gjithë janë kundër, dhe në bombardim të SPAK-ut dhe drejtuesit të SPAK-ut me shantazh, fyerje e kështu me radhë". (LEXO KETU)

Në fakt, në këtë pikë Rama gënjen, pasi i kemi parë që të gjitha sharjet dhe fyerjet janë në faqen e tij zyrtare, në faqen në rrjetet sociale të Erion Veliajt, në faqen e Ajola Xoxës, e cila bllokoi dhe komentet.

SPAK-u sipas sondazheve është institucioni më i besueshëm në Shqipëri ku merr si përqindje një mbështetje nga shqiptarët prej mbi 70% dhe një mbështetje prej 70% nuk janë zyrtarë të ekzekutivit dhe nuk është ekzekutivi.

Mbi 70% e shqiptarëve mbështetje do të thotë mbështetës të PD-së, të PS-së, të LSI-së, të paparti, gri, të partive të vogla etj.

Pra, mbështetja ndaj drejtësisë është mbi 70% dhe nuk vjen sepse mbështet Edi Ramën, për asnjë arsye, përkundrazi në rast se do të kishim sot një sondazh pas arrestimit të Erion Veliajt dhe sulmeve që Edi Rama bën ndaj SPAK-ut njëlloj si Berisha dhe Meta, mbështetja ndaj SPAK-ut do të ishte edhe më e madhe dhe Edi Rama e lexon këtë, prandaj dhe është hedhur në sulm, për shkak të mbështetjes së madhe të SPAK-ut dhe punës që ky institucion po bën./ CNA





Lajmet e fundit nga