web counter
LEXO PA REKLAMA!

SHKARKO APP

App Store
Google Play

E fundit!

x

Kundër dhunës së Edi Ramës ndaj SPAK-ut dhe pushtetit vendor

20 Shkurt 2025, 13:12, Politikë CNA

Kundër dhunës së Edi Ramës ndaj SPAK-ut dhe pushtetit vendor

Nënkryetarja e grupit të Këshilltarëve Bashkiakë demokratë dhe drejtuesja e Departamentit të Politikës së Jashtme në Partinë Demokratike, Ilda Zhulali, ka deklaruar se Edi Rama po shkel parimet themelore të demokracisë dhe autonomisë së pushtetit vendor.

Zhulali ka reaguar në lidhje me mitingun që do të realizojë kundër SPAK-ut pasditen e sotme duke thënë se është një veprim i papranueshëm dhe arbitrar, akt flagrant, akt manipulimi dhe shtypjeje.

Reagimi i Ilda Zhulalit

Sot, Edi Rama po shkel parimet më themelore të demokracisë dhe të autonomisë së pushtetit vendor.

Organizimi i një mitingu të detyrueshëm për punonjësit e Bashkisë së Tiranës, pas arrestimit të kryetarit Erion Veliaj, është një veprim i papranueshëm dhe arbitrar:

- Është shkelje e neneve 13, 45, 108, 109, të Kushtetutës dhe neneve 3, 4, 6, 22, 24 të Ligjit për Organizimin dhe Funksionimin e Pushtetit Vendor.

- Është akt flagrant imponimi dhe kontrolli mbi pushtetin vendor të Tiranës.

- Është akt manipulimi dhe shtypjeje.

- Është shkelje e parimit të ndarjes së pushteteve.

U bëj thirrje:

- Punonjësve të Bashkisë Tiranë të refuzojnë dhe bojkotojnë aktet e paligjshme dhe antikushtetuese të Edi Ramës.

- Presidentit të Republikës, të reagojë pa vonesë, në mbrojtje të Kushtetutës dhe ligjeve të vendit.

- OSBE, Këshillit të Europës, Kongresit të Autoriteteve Vendore dhe Rajonale, të dënojnë prerazi dhe pa vonesë shkeljen e parimeve të Kartës Europiane për Autonominë Vendore, të shtetit të së drejtës dhe decentralizimit nga Kryeministri Rama./ CNA





Lajmet e fundit nga