web counter
LEXO PA REKLAMA!

SHKARKO APP

App Store
Google Play

"Populli do të dëgjojë politika të majta"/ Veliaj: Të jesh me PS-në është në modë

17 Prill 2023, 12:07, Politikë CNA
"Populli do të dëgjojë politika të majta"/ Veliaj:
Kryebashkiaku Erion Veliaj

Kryebashkiaku Erion Veliaj ka marrë pjesë në një takim ku ka vlerësuar figurat e PS në njësinë 10.

Veliaj, gjatë takimit, është shprehur se PS-ja është e vetmja parti, e cila ka përfshirë institucionin e mirënjohjes në statut si një vlerësim për të gjithë mbështetësit e socialistëve.

Ndër të tjera, Veliaj ka theksuar se tashmë të jesh më PS-në është në modë dhe ka theksuar edhe njëherë se fushatën kanë zgjedhur ta bëjnë pa xixa dhe pa shumë shpenzime pasi Shqipëria ndodhet në kohë të vështira.

"Këta e provuan që populli do të dëgjojë politika të majta. Populli është duke menduar majtas, duke investuar në politika të majta dhe kjo bën diferencën. Për të gjithë ata që ishin socialistë në kohën kur nuk ishte në modë të ishe socialist, kur nuk ishte e lehtë të luftoje vjedhjen ne ’97, kur kujtoj kohën që unë jam njohur me Fatmirin ishte koha ku ishte greva urisë, kur ne thoshim hap kutitë për transparencë. Sot jo vetëm jemi forca dominuese në vend, jo vetëm jemi forca më patriotike, por jemi sot fitimtarë 8 nga 9 zgjedhjet e fundit. Më vjen mirë që sot vëmë në jetë një detyrim që e kemi nga stafi. Ne jemi e vetmja parti që institucionin e mirënjohjes e kemi pjesë të statutit të partisë. Vendimi ka qenë që fushata të bëhej pa xixa, pa tamtame", tha ai./CNA.al





Lajmet e fundit nga