web counter
LEXO PA REKLAMA!

SHKARKO APP

App Store
Google Play

E fundit!

x

Veliaj nuk ndalet me sulmet ndaj opozitës/ Harxhuan 100 mijë euro për çeljen e fushatës

16 Prill 2023, 12:08, Politikë CNA

Veliaj nuk ndalet me sulmet ndaj opozitës/ Harxhuan 100 mijë euro

Kryebashkiaku Erion Veliaj nuk i ka ndalur ironitë dhe sulmet kundrejt opozitës dhe veçanerisht kreut të PD-së, Sali Berisha.

Në fjalën e mbajtur me banorët e Shëngjergjit, Veliaj deklaroi se koalicioni "Bashkë Fitojmë" ka harxhuar 100 mijë euro për të dëgjuar njëri-tjetrin.

"E patë te stadiumi? 100 mijë euro miting për të dëgjuar njëri-tjetrin, ndërkohë që flet (Berisha) tërë kohës për varfëri. Për një parti politike, e cila nuk merr as lekë nga KQZ-ja, pyetja është: Nga vijnë lekët?", u shpreh kryebashkiaku.

Më tej ai ka irozuar kreun e Partisë Demokratike, Sali Berisha dhe kreun e PL-së, Ilir Meta.

"Te koalicioni i tyre nuk dinë çfarë emrin të vendosin, Ilir Metën nuk e duan demokratët, Berisha është 'non grata'. Përveç emrit i ka humbur dhe vula", tha ai.

Ndër të tjera Veliaj bëri të ditur se shumë shpejt nis puna për rrugën e re nga Vërria në Shën Mëri.

"Me gjithë punët që kemi bërë kemi mbërritur deri në qendrat e çdo ish-komune. Kemi vënë dorë në qendër të Krrabës dhe tani jemi duke punuar për degëzimet, deri në fshatin më të fundit. Kemi mbërritur në qendër të Zall-Herrit dhe tani po punojmë në Çekrezë dhe Kasallë, që të mbërrijmë deri në cepin më të fundit. Kemi mbërritur në qendër të Vërrisë, ku kemi bërë shkollën e re këtu. Në kohët e vjetra dukej sikur ishte fundi i botës kur ti thoje do shkoj në Zall-Bastar, do shkoj në Shëngjergj, ti mendoje se do merrje plaçkat dhe do shkoje në zbor, ndërkohë sot të shkosh në Shëngjergj ose në Zall Bastar për drekë, të vish në Vërri ose të shkosh në një nga zonat e kurorës, është vërtet një fundjavë e bukur. Besoj se është akti më patriotik që mund të bësh pasi ndihmon një vëlla ose një motër që ka hapur një biznes, një restorant apo një bujtinë dhe po punon me djersë dhe ndershmëri në tokën e tij”, deklaroi ai./CNA.al





Lajmet e fundit nga