web counter
LEXO PA REKLAMA!

SHKARKO APP

App Store
Google Play

E fundit!

x

Gjiknuri flet me superlativa: PS dhe Gramshi e kanë fatin të lidhur bashkë

15 Prill 2023, 19:22, Politikë CNA

Gjiknuri flet me superlativa: PS dhe Gramshi e kanë fatin të lidhur

Sekretari i Përgjithshëm i PS-së, Damian Gjiknuri ka çelur fushatën bashkë me kandidatin e Gramshit, Besian Ajazi.

Gjkunuri gjatë fjalës së mbajtur përpara qytetarëve ka theksuar se PS ka parashikuar projekte të mëdha për qytetin dhe se deri më tani Edi Rama ka bërë shumë për Gramshin dhe për të gjithë Shqipërinë.

Gjiknuri tha se PS dhe Gramshi e kanë të lidhur fatin bashkë, çdo zhvillim i mirë në këtë qytet, në këtë bashki ka ardhur nga Partia Socialiste.

“Ne kemi projekte të mëdha për këtë vend. Vërtet nuk kemi bërë gjithçka , ama po ti vëmë gjërat në kandar, qeveria e Edi Ramës ka bërë shumë jo vetëm për Gramshin, por dhe për Shqipërinë. I ka kthyer dinjitetin Shqipërisë, e ka ndryshuar këtë vend.  PS dhe Gramshi e kanë të lidhur fatin bashkë, çdo zhvillim i mirë në këtë qytet, në këtë bashki ka ardhur nga Partia Socialiste. Njerëzit tuaj kudo që kanë qenë kanë gjetur fatin me PS. Në të gjithë rrugët e jetës dhe zhvillimi i Gramshit është i lidhur me fatin e kësaj partie në pushtet. Nuk është rastësi që gjatë viteve të qeverisjes sonë këtu kanë ndodhur transformime të mëdha. Qeveria e Edi Ramës bëri të mundur që Gramshi të mos shuhej nga harta, përkundrazi Gramshit t’i shtoheshin shanset për zhvillim.   Besi është nga ata shembuj që jo vetëm u zgjodh deputet, por la detyrën e  deputetit me kënaqësi që t’u shërbente qytetarëve të Gramshit”, tha ai./CNA.al





Lajmet e fundit nga