web counter
LEXO PA REKLAMA!

SHKARKO APP

App Store
Google Play

Banorët, të shqetësuar për linjat urbane/ Ermal Dredha: Do të jenë prioriteti ynë

16 Prill 2023, 10:44, Politikë CNA

Banorët, të shqetësuar për linjat urbane/ Ermal Dredha: Do

Kandidati i PS-së për Bashkinë e Vlorës, Ermal Dredha, ka zhvilluar një takim me banorët e fshatrave Dëllënjë, Delisuf dhe Poro.

Dredha bën të ditur se banorët ishin të shqetësuar për mundësimin e një linje urbane me orare fikse.

Më tej në postimin e shpërndarë, Dredha zbulon se zhvillimi i linjës urbane do të jetë një nga prioritetet e qeverisë.

Ndër të tjera kandidati socialist pohoi se mbjellja e pemëve nuk ka munguar as sot me banorët e Poros.

“Mundësimi i linjës urbane me orare fikse dhe të shpeshta ishte një prej shqetësimeve të përbashkëta që banorët e fshatrave Dëllënjë, Delisuf dhe Poro më përcollën gjatë takimit që patëm për të diskutuar çështjet që prekin komunitetin lokal dhe planet e mia për katër vitet e ardhshme në Bashkinë e Vlorës.

Zhvillimi me prioritet i linjës së urbanit do të ndikojë tek jeta e çdo banori i cili do të ketë mundësi punësimi në bizneset që ndodhen në qytet, por gjithashtu edhe në aksesin më të lehtë ndaj shërbimeve të specializuara shëndetësore.

Partia Socialiste ka punuar fort për të përmirësuar infrastrukturën rurale dhe për të vazhduar misionin tonë, do të ndërmarrim hapa konkretë që do të mundësojnë pastrimin e kanaleve vaditëse dhe atyre të kullimit të ujërave duke shmangur përmbytjen e tokave, sidomos gjatë stinës së pranverës dhe vjeshtës.

Mbjellja e Pemëve nuk mungoi as sot, ku së bashku me banorët e Poros vijuam rrugëtimin e gjelbër drejt 14 majit", shkruan ai./CNA.al

 

 





Lajmet e fundit nga