web counter
LEXO PA REKLAMA!

SHKARKO APP

App Store
Google Play

“Nuk merrem me kundërshtarin”/ Kandidati i PS-së: E kam të sigurt fitoren

17 Prill 2023, 11:48, Politikë CNA
“Nuk merrem me kundërshtarin”/ Kandidati i PS-së: E kam
Foto ilustruese

Kandidati i PS-së për Bashkinë e Beratit, Ervin Demo, ka deklaruar se falë punës së tij në mandatin e tij të parë e ka shndërruar Beratin duke sjellë më shumë turistë dhe zhvillim.

Gjatë një interviste për mediat ai ka theksuar se viti 2024 do të jetë viti i Beratit pasi zbuloi planin për infrastrukturën dhe ndërhyrjen në hapësirat publike.

Dema u shpreh se ka planifikuar që qendra e qytetit t’i nënshtrohet një rehabilitimi total, një ndërhyrje kjo që sipas tij do t’i japë imazhin e munguar Beratit.

Ndër të tjera, tha se gjatë kësaj fushate ka zgjedhur të mos bëjë premtime, por të fokusohet te puna.

 “Kam zgjedhur të mos dalë me premtime. Ajo që ne çfarë kemi bërë, dhe të gjithë e kuptojnë, bashkia është një shtëpi e madhe dhe gjërat duhet të rregullohen, por një gjë është e sigurt: ne kemi thyer mitet që Berati nuk bëhet, ne kemi kthyer besimin e qytetarëve, që jeta e tyre mund të përmirësohet. Kemi ndërhyrë në zona rurale. Beratasit e kanë ndarë mendjen dhe e shohin se si ai po ndryshon”, u shpreh ai.

Më tej është shprehur i sigurt për fitoren, duke nënvlerësuar kundërshtarin e tij politik.

 “Unë nuk merrem me kandidatin që kam përballë. Nuk ka garë të thjeshtë dhe kjo garë për mua, do të tregojë se puna vlen më shumë se fjala. Për mua duhet të tregoj se Berati ku e ka drejtimin dhe mënyrën se si qyteti mund të ndryshojë edhe në një kohë të shkurtër. Ne Berat gara është e vështirë, sepse ne duhet të marrim një rezultat historik, për të treguar se puna është më e rëndësishme se fjalët dhe nihilizmi”, theksoi ai./ CNA.al





Lajmet e fundit nga