Alibeaj gjen armiqtë: Saliu me Ramën dhe Metën po asgjësojnë PD-në

16 Prill 2023, 17:40, Politikë CNA

Alibeaj gjen armiqtë: Saliu me Ramën dhe Metën po

Enkelejd Alibeaj dhe Roland Bejko

Enkelejd Alibeaj i grupit të vulës ka “gjetur” armiqtë. Ata janë kryetari i PD-së, Sali Berisha, kryeministri Edi Rama dhe kryetari i PL-së, Ilir Meta.

Po, po është e vërtetë sepse e tha Alibeaj. E tha në një takim me nja 30 vetë në degën Nr. 9 të PD-së në Tiranë, ku prezantoi Roland Bejkon si kandidat.

E tha njejti Alibeaj që nuk ka as kandidatë për bashkitë, as kandidatë për këshillat bashkiakë dhe nuk ka as komisionerë për zgjedhjet e 14 majit.

E tha ai që nuk ka asgjë, që i kanë mbetur pas vetes as çereku i deputetëve dhe që shumica po e asgjësojnë e po e lenë të vetëm në zgjedhje.

Por pavarësisht se Enkelejd Alibeaj ka mbetur fill i vetëm dhe i ka lënë demokratët pa përfaqësues, përgjegjësinë për përçarjen e PD-së nuk e sheh te vetja, por te Sali Berisha, Edi Rama dhe Ilir Meta.

“Kjo situatë është me delikatja për demokratët. Dua ta kuptoni thellë sinqeritetin e kësaj që po them. Ajo që është në lojë, është pozita e PD-së. Së dyti është në lojë ekzistenca e së djathtës, është në lojë ekzistenca e vetë Shqipërisë, do ngelet pjesë e së shkuarës të këtyre 32 viteve, apo do hapë një epokë të re për shqiptarët, për tu kthyer në një vend siç Europa e kërkon.

Është një moment historik, ka vështirësitë e veta, të mos e Fshehim. Vështirësia është që vijmë pas 1 viti e gjysmë betejë, betejë e cila ka qenë deri betejë fizike. kujtojmë 8 janarin, por edhe më tej betejë ka qenë, vlerat e PD-së dhe bartësit e saj kemi qenë në agresion, nga pushteti po e po. Donin të shihnin PD-së që të asgjësohej, kanë bërë çfarë ka qenë e mundur. Krimi më i madh që ka bërë pushteti ka qenë bashkëpunimi me Berishën dhe Metën.

Është një bashkëpunim i drejtpërdrejtë i Ramës, Berishës dhe Metës për asgjësimin e demokratëve, PD-së, asgjësimin e forcës së vetme të djathtë dhe forcës së vetme që ka mbështetjen e perëndimit, SHBA, BE dhe Britanisë, vetëm ne. Të gjithë i tremben. I keni parë publikisht edhe qëndrimet e tyre, e keni parë çfarë duan ata. Armiku kryesor për të cilin ata nuk bëjnë asnjë lloj kompromisi është korrupsioni. Dhe ky ku jetojmë sot është një regjim shtetëror i korruptuar. Ai i djeshmi që e kanë përcaktuar qartë është regjim i korruptuar. Ata duan partneritet vetëm me parti politike që s’kanë lidhje me korrupsionin e djeshëm, ne e kemi këtë avantazh", deklaroi Alibeaj./ CNA.al