Murrizi, “sfidon” gazetarët “VIP”-a/ Nxirrni dokumentat nëse keni qenë spiuna

16 Prill 2023, 20:33, Politikë CNA

Murrizi, “sfidon” gazetarët “VIP”-a/ Nxirrni

Ish-deputeti Myslim Murrizi

Gazetari Lutfi Dervishi publikoi dje një shkrim ku rendiste 10 arsye që sipas tij nuk duhen ftuar palaçot në televizione.

Lidhur me këtë shkrim ka reaguar ish-deputeti Myslim Murrizi, i cili thotë se duhet shtruar disa pyetje. Ai pyet nëse duhen lejuar ish-spiunët e sigurimit të dalin nëpër televizione e të bëjnë moral.

Gjitashtu, ai kërkon të dijë nëse është e drejtë që ish-bashkëpunëtorë të Sigurimit të Shtetit të drejtojnë emisione.

Më tej, ai bën një ftesë publike për Lutfi Dervishin dhe të gjithë gazetarët “VIP”-a që kanë qenë 18 vjeç deri në dhjetor 1990-ës të paraqesin një çertifikatë të pastërtisë së figurës së tyre nëse kanë qenë apo jo ish-spiunë Sigurimi.

10 arsye pse nuk duhen ftuar palaçot në televizion
15 Prill, 21:31

Shkrimi i plotë:

Dje pashë një shkrim të gazetarit Lutfi Dervishi, ku rendiste 10 arsye që sipas tij nuk duhen ftuar palaçot në televizione.

Sepse sipas z. Dervishi janë:

1 - Shumë të parashikueshëm se çfarë do thonë.

2 - Janë pa informacion dhe hiqen sikur dinë gjithçka.

3 - Janë të pa sjellshëm dhe fyejnë të tjerët.

4 - Kanë ndjenjën e unit dhe gënjejnë për të promovuar veten.

5 - Bëjnë betejë për vëmendje dhe flasin broçkulla.

6 - Janë sherrxhinj dhe nxisin urrejtje për të krijuar interes.

7 - Përhapin rrena dhe nuk kanë përgjegjshmëri për çfarë thonë.

8 - Janë të rrezikshëm sepse me deklarata të sajuara dëmtojnë dhe fyejnë të tjerët.

9 - Të mërzitshëm sepse thonë të njëjtën gjë dhe recitojnë vetëm çfarë ju kanë thënë për të thënë.

10 - Janë qesharak se përpiqen për të bërë për të qeshur, por janë tragjik.

Jam plotësisht dakort me të gjitha z. Dervishi, por kam një pyetje???

Po ish-spiunët e Sigurimit a duhet të thirren nëpër studio si kryepalaço që kanë spiunuar miqtë, shokët, familjarët, etj dhe tani dalin e bëjnë moral???

Po gazetarë ish-spiunë sigurimi që drejtojnë jo pak emisione kryesore nëpër televizione dhe ftojnë këta palaço a duhet të këtë???

Po fundërrina gazetarë që ju bëjnë gjyqin dynjasë dhe vetë janë krye fundërrina a duhet të dalin çdo natë nëpër ekrane???

Po që janë mbi 10 gazetarë “VIP”-a që kanë qenë kokrrat e spiunave të ish-Sigurimit dhe kanë mbi 20 vjet që na çajnë trapin si të virgjër në çdo ekran a e dini ju z. Dervishi???

Po që edhe pse i kanë akuzuar publikisht këta kryepalaço gazetarë as nuk skuqen, as nuk zverdhen kur ju thua spiunë Sigurimi???

Po që askush nga këta kryefundërrina gazetarë nuk guxon të shkojë tek Autoriteti i Dosjeve për të marrë një çertifikatë të pastërtisë së figurës nëse ka qenë apo jo spiun Sigurimi sepse e kanë detyrim moral meqënëse “shesin moral” nëpër ekrane a nuk ju duket palaçollik z. Dervishi???

Ftoi publikisht z. Dervishi të gjithë gazetarët “VIP”-a që kanë qenë 18 vjeç deri në dhjetor 1990 të paraqesin një çertifikatë të pastërtisë së figurës së tyre nëse kanë qenë apo jo ish-spiunë Sigurimi pastaj kërkoj llogari që të mos ftojnë palaço nëpër studio ose spiunë si vetja e tyre.

Kur emisionet i drejtojnë disa kryepalaço, absolutisht që do kesh palaço nëpër televizione z. Dervishi.

Të fala shumë mi bëj “llullës”, “holtës”, “xhenerikut”, “skiles”, “çiftelisë”, “koranit”, çorapes, bozhurit, shkrimtarit, indipendentit, stilolapsit, çekiçit, trëndafilit z. Dervishi.

Dhe po tu duk sikur po ia fus kot thuaj z. Çipa që në emër të Shoqatës së Gazetarëve të bëjë një kërkesë tek Autoriteti i Dosjeve për të gjithë gazetarët “VIP”-a që sheh pothuajse çdo natë duke dërdëllisur e do shikosh çfarë kryepalaçosh janë./ CNA.al