web counter
LEXO PA REKLAMA!

SHKARKO APP

App Store
Google Play

E fundit!

x

“Shteti s’na jep asnjë kacidhe”/ Arlind Qori: S’kemi para për të nxjerrë shumë kandidatë

16 Prill 2023, 21:04, Politikë CNA
“Shteti s’na jep asnjë kacidhe”/ Arlind Qori:
Kandidati i “Lëvizjes Bashkë” për Tiranën, Arlind Qori

Kandidati i “Lëvizjes Bashkë” për Tiranën, Arlind Qori, u ankua mbrëmjen e sotme se shteti nuk i jep asnjë kacidhe për fushatë elektorale.

Qori tha në “Euronews Albania” se për mungesë të buxhetit, partia e tij, “Lëvizja Bashkë” është e detyruar të mos dalë me më shumë se një kandidat në zgjedhjet vendore të 14 majit.

“Që të kandidonim në gjithë Shqipërinë do të na duhej të kishim infrastrukturë lëvizjeje në gjithë Shqipërinë. Nëse në Tiranë ne mund ta bëjmë këtë, ikim në këmbë dhe me autobus, të shkonim deri në Gjirokastër me autobusin e linjës na ikte gjysma e ditës, pra në këtë kuptim, buxheti i shtetit ne si parti e sapoformuar nuk na jep një kacidhe, asnjë lek. Kjo është arsyeja e parë, pra arsye infrastrukturore”, u shpreh ai, ndërsa tregoi edhe një tjetër arsye se përse nuk ka nxjerrë më shumë kandidatë “Lëvizja Bashkë”.

“Arsyeja e dytë është politike. Tirana është kryqendra e vendit, ndryshimi do të nisë nga Tirana sidoqoftë. I ofrojmë qytetarëve model në Tiranë, strategji politike në Tiranë, mënyrë të re të të bërit fushatë dhe të organizimit politik në Tiranë dhe këtë gjë do të bëjmë ne në Tiranë. Do të jetë prova gjenerale e asaj që ne synojmë të bëjmë në të gjithë Shqipërinë”, deklaroi Qori./ CNA.al





Lajmet e fundit nga