web counter
LEXO PA REKLAMA!

SHKARKO APP

App Store
Google Play

E fundit!

x

Veliaj kërkon të mbulojë vjedhjet dhe krimin në Sharrë

15 Tetor 2024, 19:19, Politikë CNA
Veliaj kërkon të mbulojë vjedhjet dhe krimin në Sharrë
Fotomontazh - Erion Veliaj, në sfond inceneratori i Tiranës

Kryebashkiaku i Tiranës, Erion Veliaj, mëngjesin e së hënës dha një intervistë në televizionin e inceneratorëve “Top Channel”.

Veliaj tha se nuk ka asnjë pengesë që të hapet një garë për menaxhimin e landfillit të Sharrës.

“Ajo që unë besoj dhe po arrij të kuptoj si një nga klientët dhe klienti kryesor në fakt i landfillit është që tani që çështja ka shkuar në gjykim dhe e gjithë procedura tashmë është hetuar unë besoj se nuk ka asnjë pengesë që të hapet një garë…”, deklaroi kryebashkiaku i Tiranës.

Në fakt, Veliaj duket se po kërkon garë, që të dalë një koncesionar i ri.

Veliaj do që të dalë një shërbim i ri, që të mbulohet krimi, por përpara se të mbulohet krimi duhet të dalin përgjegjësit dhe një nga përgjegjësit kryesorë është Erion Veliaj. (Lexo këtu)

Veliaj ka firmosur, ka dhënë dakordësinë me shkresë për ndërtimin e inceneratorit, i cili u sekuestrua në gusht të 2023-shit dhe tashmë landfilli i Sharrës administrohet nga Agjencia e Administrimit të Pasurive të Sekuestruara dhe të Konfiskuara. (Lexo këtu)

Veliaj kërkon të mbulojë vjedhjet dhe krimin në Sharrë
Landfilli i Sharrës, burimi CNA

Kryebashkiaku i Tiranës u mor në pyetje nga SPAK-u në lidhje me këtë aferë, më 30 prill 2024. Prokuroria e Posaçme ka nisur edhe një hetim pasuror për Veliajn. (Lexo këtu)

Por pavarësisht se afera në inceneratorin inekzistent të Tiranës është provuar nga drejtësia, Bashkia e Tiranës vijon të bëjë pagesa.

Sipas shifrave zyrtare, qeveria ka paguar 129 milionë euro për inceneratorë që nuk punojnë dhe që nuk ekzistojnë. (Lexo këtu)

E megjithatë, Veliaj duket se nuk do të ndalet.

Veliaj kërkon të mbulojë vjedhjet dhe krimin në Sharrë
Erion Veliaj

Veliaj tha se duhet të hapet një garë pasi çështja është në gjykim, por nuk përmendi faktin se ende nuk kemi një vendim të formës së prerë të Apelit.

Një fakt tjetër që duhet theksuar është se për inceneratorin e Tiranës ka ende një dosje nën hetim, është dosja e hapur në kuadër të procedimit penal nr.255, të vitit 2020.

Më 2 gusht, SPAK na njoftoi se po kryen hetime të mëtejshme për këtë dosje, gjë që e kishte raportuar më herët edhe CNA. (Lexo këtu)

Veliaj kërkon të mbulojë vjedhjet dhe krimin në Sharrë
SPAK

SPAK ka faktuar megaaferën me mbetjet dhe ka mbyllur dosjen e parë, por nga ana tjetër janë thelluar hetimet për të gjithë personat e përfshirë dhe tek ata që janë paguar nga njerëzit e inceneratorëve. (Lexo këtu)

Por Veliaj, i cili duket se do të vijojë hajdutërinë i qetë, po kërkon të hapë garën e menaxhimit të landfillit, duke injoruar hetimet e hapura ende apo gjykimin në proces.

Veliaj kërkon të mbulojë vjedhjet dhe krimin në Sharrë
Fotomontazh - Erion Veliaj, në sfond inceneratori i Tiranës

Një tjetër fakt që duhet përmendur është edhe kontrata me “Integrated Energy B.V S.P.V”, një kontratë e cila nuk është prishur.

Kompania “Integrated Energy B.V S.P.V” dhe asetet e saj janë sekuestruar, por që të hapet gara, fillimisht duhet të prishet kontrata.

Ndaj, kërkesa e Veliajt për hapjen e garës është absurde. Veliaj po kërkon të dalë paq nga kjo megaaferë korruptive, pasi ka firmosur për dhënien e koncesionit pa mbledhur këshillin bashkiak, ka firmosur në emër të bashkive të tjera të qarkut Tiranë dhe ka shkatërruar NJZP-në dhe bëri kontratën e dherave me drejtorët e tij./ CNA





Lajmet e fundit nga