web counter
LEXO PA REKLAMA!

SHKARKO APP

App Store
Google Play

Marrëveshja për emigrantët/ Rama: Na është kërkuar nga vende të tjera dhe kemi thënë jo

15 Tetor 2024, 11:45, Politikë CNA

Marrëveshja për emigrantët/ Rama: Na është kërkuar

Kryeministri Edi Rama foli gjatë konferencës ndërqeveritare Shqipëri-BE nga Luksemburgu, për marrëveshjen e refugjatëve me Italinë. Kreu i qeverisë tha se Tirana ka marrë kërkesa nga vende të tjera të Unionit, por që përgjigjja ka qenë refuzuese.

"Po, na është kërkuar nga të tjerë dhe kemi thënë jo. Gjithkush duhet të kuptojë se marrëdhënia jonë me Italinë është e veçantë shkon pas me mijëra vjet, shkon pas në kohë me shumë volume domethënëse veprimi të 30 viteve të fundit.

Dolëm nga gropa e ferrit të regjimit më mizor komunist në Europë, kur u larguam me qindra mijëra nga brigjet tona dhe Italia hapi krahët për ne, apo kur Italia të na shpëtonte nga një katastrofë e mundshme financiare pas rënies së skemave piramidale dhe duike ardhur te ditët e tërmetit që Varhelyi i përmendi me finesë të rindërtimit të kësaj marrëdhënie.

Pjesëtarët italianë ishin të parët që erdhën për të shpëtuar jetë nën rrënoja. Ne nuk jemi vend i BE, ne jemi europianë, kjo nuk është certifikatë që jepet nga Brukseli. Gjeografia jonë flet shumë për atë që kemi bërë me Italinë. Nëse ka ndonjë gjë për t’u zhvilluar mbi këtë nivel duhet të jetë në shkallë të epërme të BE dhe Ballkanit Perëndimor. Kjo është për të kuptuar se BE dhe Ballkani Perëndimor duhet të qëndrojnë pranë dhe të punojnë me njëri-tjetrin.

Dukuria e emigracionit nuk zgjidhet një copë këtu dhe një copë atje, por me një qasje gjithësore. Një gjë është të luftosh emigracionion e paligjshëm dhe një gjë tjetër është të garantosh migracion të rregullt. Dhe Europa duhet t’i bëjë të dyja këto", tha Rama. 

Kujtojmë se grupi i parë i emigrantëve është nsiur nga brigjet italiane për të mbërritur dhe akomoduar më pas në Lezhë./ CNA

 





Lajmet e fundit nga