web counter
LEXO PA REKLAMA!

SHKARKO APP

App Store
Google Play

U emërua si zëvendësministre/ Murrizi: Edhe zonja Silvi u ul në prehrin e qeverisë

25 Shtator 2025, 17:13, Politikë CNA

U emërua si zëvendësministre/ Murrizi: Edhe zonja Silvi u ul

Ish-deputeti Myslim Murrizi përmes një postimi në rrjetet sociale ka analizuar emërimet e reja të qeverisë të bëra ditën e sotme.

Emërimi që bëri më shumë bujë ishte ai i ish-deputetes së Partisë së Lirisë, Silvi Caka, një nga zërat më kritikë ndaj qeverisë, në postin e zv.ministres së Brendshme.

Murrizi shprehet se opozitës nuk i ka ngelur më askush pas zgjedhjeve të 11 majit dhe se pritet të ikin edhe të tjerë. Ish-deputeti i rikujton opozitës paralajmërimin e bërë në shkurt se PL nuk do t’i sillte asnjë votë koalicionit.

“Iku dhe znj. Silva nga “opozita” dhe butë, butë u ul në prehrin e Qeverisë se i bëtë gjyqin Endri Brahimllarit pse iku i pari.

Çështje kohe është të ikin edhe të tjerë që kanë ngelur akoma këtu në Tiranë, se në asnjë cep të Shqipërisë nuk ka më nga kjo “opozitë” pas zgjedhjeve të 11 majit.

Prandaj kam thënë në shkurt 2025, në Këshillin Kombëtar, Mul Nokës se koalicioni me LSI nuk sjell kokërr vote tek PD.

Këta janë më të sinqertë në fakt, se ikin drejtpërdrejt vetë.

Ndërsa deputetët e LSI apo ish-deputetë e anëtarë të kryesisë i kanë të gjithë familjarët nëpër ministri, në poste të ndryshme.

Madje, bashkëshortja e një deputeti “opozitar” të LSI u mbyt në lot kur iku Ulsiu si ministër drejtësie.

Hajde, Mul “strategu”, gjej ndonjë koalicion të këtij lloji edhe për zgjedhjet e pjesshme lokale, sidomos për Bashkinë e Tiranës. Ruaj ndonjë gjë, por vari trapin, se humb PD dhe vuajnë demokratët.

Në fund të fundit, ju mirë i keni punët e juaja me “beteja” madhështore në Parlament”, shkruan Murrizi./ CNA





Lajmet e fundit nga