web counter
LEXO PA REKLAMA!

SHKARKO APP

App Store
Google Play

Gonzato, takim me Lamallarin/ Në fokus forcimi i institucioneve të drejtësisë

25 Shtator 2025, 14:32, Politikë CNA

Gonzato, takim me Lamallarin/ Në fokus forcimi i institucioneve të

Ambasadori i BE-së në Tiranë, Silvio Gonzato, ka takuar ministrin e Drejtësisë, Besfort Lamallari.

Me anë të një postimi në rrjetet sociale, ambasada thotë se BE ka shprehur gatishmërinë për bashkëpunim të ngushtë me Ministrinë e Drejtësisë.

Ambasadori Gonzato ka theksuar në takim se ndryshimet në Kodin Penal shqiptar do të bëhen për t’u përafruar me standardet europiane.

“Ambasadori i BE-së, Silvio Gonzato, u takua dje me ministrin e Drejtësisë, Besfort Lamallari.

Bashkimi Europian shpreh gatishmërinë për të bashkëpunuar ngushtësisht me Ministrinë e Drejtësisë për të forcuar më tej institucionet e drejtësisë, për të ofruar ekspertizë dhe për të nxitur llogaridhënien dhe efikasitetin.

Ambasadori Gonzato theksoi se Shqipëria pritet të ndryshojë disa dispozita të Kodit Penal për t’i përafruar ato me standardet europiane dhe me legjislacionin e BE-së, duke u dhënë përparësi ndryshimeve që nevojiten për përmbushjen e kritereve të ndërmjetme pjesë e Grupkapitullit të parë.

Ai theksoi rëndësinë e zbatimit të plotë të reformës në drejtësi të vitit 2016, në përputhje me arkitekturën e saj aktuale, si dhe arritjen e një ekuilibri të drejtë midis pavarësisë dhe llogaridhënies”, njofton zyra e BE-së.





Lajmet e fundit nga