web counter
LEXO PA REKLAMA!

SHKARKO APP

App Store
Google Play

Transferimi i të burgosurve nga Mbretëria e Bashkuar në Shqipëri/ Manja zbardh detajet e marrëveshjes

21 Korrik 2023, 19:34, Politikë CNA

Transferimi i të burgosurve nga Mbretëria e Bashkuar në

Ministri i Drejtësisë, Ulsi Manja ka dhënë detaje mbi marrëveshjen për transferimin e të burgosurve midis Mbretërisë së Bashkuar dhe Shqipërisë.

Manja tha se kjo marrëveshje ka si bazë dhënien e pëlqimit të personave të dënuar në Mbretërinë e Bashkuar, të cilët dëshirojnë dhe vijnë e vuajnë pjesën tjetër të dënimit në Shqipëri.

Përveç Ministrisë së Drejtësisë dhe Drejtorisë së Burgjeve dhe homologëve tanë në Britani, është edhe gjykata shqiptare, e cila do bëjë njohjen dhe konvertimin e dënimit të dhënë nga gjykata britanike për çdo të dënuar sipas legjislacionit shqiptar.

Ministri thotë se të dënuarit nuk do të vijnë të gjithë menjëherë.

“Sapo të vijë grupi i parë, qeveria shqiptare dhe autoritetet e burgjeve do marrin pagesën e parë për grupin e parë që do transferohen dhe më pas Ministria e Drejtësisë do t’i hapë rrugë grupit tjetër, gjithmonë në varësi të vendimeve të gjykatës shqiptare.”, tha Manja.

Ka dhe raste kur të dënuarit mund të sillen në Shqipëri pa pëlqimin e tyre.

“Marrëveshja parashikon si rast përjashtimi edhe mosdhënien e pëlqimit. Janë ato raste që drejtësia britanike përveç dënimit me burg, ka dhënë si dënim dhe dëbimin nga Britania e Madhe. Në këto raste, sipas kësaj marrëveshjeje, autoritetet britanike mund t’i përcjellin autoriteteve shqiptare njohjen dhe konvertimin e dënimit edhe pa pëlqimin e të dënuarve.”, sqaroi Ministri i Drejtësisë Manja./CNA.al





Lajmet e fundit nga