web counter
LEXO PA REKLAMA!

SHKARKO APP

App Store
Google Play

E fundit!

x

Akuzat e Berishës ndaj bashkëshortes së Veliajt/ Reagon kryebashkiaku

21 Korrik 2023, 17:59, Politikë CNA

Akuzat e Berishës ndaj bashkëshortes së Veliajt/ Reagon

Drejtuesi politik i Partisë Socialiste për Qarkun e Tiranës, Erion Veliaj gjatë një takimi elektoral në Rrogozhinë në sajë të zgjedhjeve vendore që do të zhvillohen këtë të diele në këtë qytet, tha se të gjithë e kanë kuptuar, edhe ata që më 14 Maj votuan kundër, që zgjedhja e duhur për Rrogozhinën është Partia Socialiste.

“Shumë nga ata që herën e fundit i kishim përballë, sot na janë bashkuar dhe dua t’i falënderoj, se asnjë njeri nuk është i pagabueshëm. Njerëzit kanë opinione të ndryshme, njerëzit kanë ide të ndryshme, njerëzit kanë dashuri, por kanë edhe inate të ndryshme. Por kur pamë sa afër ishte rezultati unë besoj se edhe ai që mund të ketë pasur një qejf mbetje, edhe ai që nuk doli në votim, edhe ai që ndoshta për inat të vogël tha t’u jap një mësim, sot i ka thirrur mendjes dhe ka kuptuar që kjo nuk është gallatë. Me cic-micet e vogla nuk mund ta çojmë Rrogozhinën si plaçkë te Saliu. E keni parë Saliun, përditë vrer-vrer?! E ka refuzuar Amerika. E ka refuzuar Anglia dhe Saliu vetëm vrer përditë. U rrah në Tiranë. U rrah me 60 mijë vota”, tha Veliaj.

 

Ndër të tjera Veliaj ka reaguar pas akuzave të ish kryeministrit ndaj bashkëshortes së tij Ajola Xoxa, për të cilën u shpreh se ka bërë projektin e djegësit të Tiranës. 

“Merrej me gruan time, per vendin ku kishte punuar para dhjetë vitesh. E dini pse merret me kalamajtë tanë dhe me gratë tona?! Se Saliu mendon se të gjithë i kemi familjet si ai. Saliu mendon se gjithë gratë e Shqipërisë janë si Argita, me faturën 3 milionë euro për çdo biznesmen që vjen. Saliu mendon që gjithë çunat e Shqipërisë janë si Shkëlzeni, vidh prona, vrit njerëz, hidhi në erë në Gërdec.

Ai mendon se të gjithë ne jemi si ai. Një nga arsyet pse merret me gratë dhe me kalamajtë e të gjithëve është se ai mendon se çdo familje në Shqipëri kështu jeton, duke vrarë, duke prerë, duke vjedhur, duke përçarë dhe ai pa dashje i flet Frojdit. Pa dashje, siç e ka familjen e vet, mendon se janë familjet e të gjithë shqiptarëve . Ai nuk e di që në Rrogozhinë njerëzit çohen që në katër të mëngjesit. Njerëzit në Gosë çohen që pa dalë dielli, që të sigurohen që punohet ara. Që të sigurohen që produkti vilet. Që të sigurohen se mbrohet edhe nga i nxehti, edhe nga breshëri, edhe nga shiu pafund”- u shpreh Veliaj./CNA.al





Lajmet e fundit nga