E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

SPAK e amnistoi nga hetimet për vjedhjen e floririt/ Sekretari i Metës del dhe ankohet për drejtësinë

27 Tetor 2022, 09:34, Politikë CNA

SPAK e amnistoi nga hetimet për vjedhjen e floririt/ Sekretari i Metës

Sekretari i Përgjithshëm i Partisë së Lirisë, Tedi Blushi, shkruan në rrjete sociale se zbatimi i ligjit në Shqipëri po përkeqësohet në mënyrë të ndjeshme.

Blushi shkruan se u referohet raporteve të organizatave ndërkombëtare, duke përmendur "Indeksin e Sundimit të Ligjit 2022", përgatitur nga World Justice Project.

“Raportet e organizatave ndërkombëtare prestigjioze, konfirmojnë vit pas viti, se zbatimi i ligjit në Shqipëri po përkeqësohet në mënyrë të ndjeshme. 'Indeksi i Sundimit të Ligjit 2022', përgatitur nga World Justice Project, është tregues i gjendjes reale ku ndodhet vendi dhe një 'thirrje' e fuqishme për të reaguar kundër korrupsionit në rritje, për të kërkuar më shumë rend, siguri, drejtësi efektive dhe të paanshme për të gjithë. Konkluzionet e ËJP konfirmojnë se Shqipëria ka nivelin e hajdutërisë së Qeverisë më të lartë në kontinent. Nga matja e 4 parimeve universale të Sundimit të Ligjit, llogaridhënies, ligjit të drejtë, qeverisjes së hapur, drejtësisë së paanshme dhe të aksesueshme, rezulton se Shqipëria ka pësuar rënie duke u renditur në vendin e 87 mes 140 vendeve, tre pozicione më poshtë nga viti i kaluar kur ndodhej në të 84-tin. Ndërkohë që Kosova vit pas vit shënon progres, duke u renditur në vendin e 57 nga vendi i 60 që ndodhej në vitin 2021”, shkruan Blushi.

Sipas tij, asnjë tregues nuk njeh përmirësim në Shqipëri, por vetëm rënie të vazhdueshme, duke konfirmuar perceptimin e përgjithshëm qytetar dhe denoncimet e opozitës që bëjnë me përgjegjësi Edi Ramën dhe keqqeverisjen e tij për këtë situatë.

“Gjendja është shumë e rëndë ndaj dhe shqiptarët janë më të bashkuar dhe më të vendosur se kurrë për shporrjen e sektit kriminal dhe të korruptuar të 'Rilindjes'.

Të gjithë në protestën madhështore në 12 Nëntor!”, përfundon Blushi.

Kujtojmë se kreu i Partisë së Lirisë ka disa padi në SPAK, që janë depozituar ndaj tij dhe ndërkohë po i njëjti institucion nuk i ka nisur hetimet, apo i mbyllur pa i nisur në lidhje me padi për vjedhjen e floririt të Krrabës me argumentin se është parashkruar vepra penale.

Nga tjetër zyrtarët e PL-së dalin dhe ankohen për drejtësinë si në rastin e sekretarit të Përgjithshëm, Blushi./CNA.al