web counter
LEXO PA REKLAMA!

SHKARKO APP

App Store
Google Play

Shoqërimi i Belerit/ Paloka "shigjeton" SPAK-un dhe Yuri Kim

12 Maj 2023, 11:09, Politikë CNA

Shoqërimi i Belerit/ Paloka "shigjeton" SPAK-un dhe Yuri Kim

Deputeti Edi Paloka ka reaguar lidhur me shoqërimin e kandidatit të koalicionit “Bashkë Fitojmë” për Himarën, Fred Belerit.

Në reagimin e tij Paloka shkruan se pas denoncimeve për shkelje të ligjit nga kandidatët e PS-së gjatë fushatës, SPAK-u gjeti të arrestojë pikërisht Belerin, të cilin kryeministri Edi Rama e kishte “sulmuar” gjatë ditëve të fundit.

Paloka thekson faktin se shoqërimi i Belerit vjen pas pak ditësh kur ambasadorja e SHBA-së, Yuri Kim, u bëri thirrje autoriteteve të parandalonin shitblerjen e votës.

“Pra, pas dhjetëra denoncimeve të bëra nga opozita, pas dëshmive dhe fakteve evidente (edhe me video) të krimeve zgjedhore e shkeljeve flagrante të Kodit Zgjedhor e atij Penal prej kandidatëve socialistë, ministrave dhe të vetë Ramës, papritur SKAP-i gjeti dhe arrestoi një kandidat të koalicionit opozitar në Himarë… e pikërisht atë që Rama e kishte sulmuar e bullizuar më shumë gjatë gjithë këtyre ditëve!!! Unë nuk kam info dhe nuk marr përsipër të gjykoj nëse është fajtor apo jo Beleri, po nuk kam asnjë dyshim që kjo 'drejtësia e reformuar' është totalisht në shërbim të pushtetit të korruptuar e kriminal te Rames. E paralajmëroi dhe Yuri në fakt. E, që në momentin që ajo 'denoncoi' shitblerjen e votave, duhej të na shkonte ndërmend se sipas traditës kimiane, opozita do dilte fajtore... Unë vetë 'e parashikova' në statusin tim,” shkruan Paloka.

 





Lajmet e fundit nga