web counter
LEXO PA REKLAMA!

SHKARKO APP

App Store
Google Play

E fundit!

x

"Zgjedhjet, tregues për progresin e Shqipërisë drejt BE-së"/ Mesazhet e forta të ambasadorit gjerman

12 Maj 2023, 10:45, Politikë CNA

"Zgjedhjet, tregues për progresin e Shqipërisë drejt

Ambasadori gjerman në Tiranë, Peter Zingraf, u ka bërë thirrje qytetarëve të popullit shqiptar që të votojnë masivisht këtë të diel, duke e cilësuar ushtrimin e votës bazë të demokracisë.

Zingraf thekson se zgjedhjet vendore do të jenë një tregues për progresin e Shqipërisë në rrugën e saj drejt Bashkimit Evropian.

Ambasadori u është drejtuar në mënyrë të veçantë të rinjve duke i këshilluar të informohen, të shkojnë në zgjedhje, të marrin pjesë në procesin demokratik, të japin votën e tyre për kandidatët me integritet dhe të refuzojnë të gjitha përpjekjet për manipulim dhe mungesë transparence.

Ndër të tjera nënvizoi se Gjermania do të vazhdojë ta shoqërojë Shqipërinë si një partner i fuqishëm në rrugën e saj drejt Bashkimit Evropian.

“Zgjedhjet vendore ditën e diel janë jo vetëm një gur kilometrazhi i rëndësishëm për vetë Shqipërinë, por edhe një tregues për progresin e Shqipërisë në rrugën e saj drejt Bashkimit Evropian.

Me votën tuaj ju mund t’i jepni formë të ardhmes së Shqipërisë dhe të forconi më tej demokracinë e saj. Për këtë qëllim zgjedhjet duhet të jenë të drejta dhe transparente, kjo përbën bazën e demokracisë.

Ndaj dua t’u them në mënyrë të veçantë të rinjve në vend:

Informohuni, shkoni në zgjedhje, merrni pjesë në procesin demokratik, jepuani votën tuaj kandidatëve me integritet, refuzoni të gjitha përpjekjet për manipulim dhe mungesë transparence.

Gjermania do të vazhdojë ta shoqërojë Shqipërinë si një partner i fuqishëm në rrugën e saj drejt Bashkimit Evropian", - shkroi ai.

 





Lajmet e fundit nga