web counter
LEXO PA REKLAMA!

SHKARKO APP

App Store
Google Play

Berisha rikthehet pas në kohë/ Azem Hajdarin e shkarkuan me puç, unë nuk pranova

11 Maj 2023, 22:41, Politikë CNA
Berisha rikthehet pas në kohë/ Azem Hajdarin e shkarkuan me
Ish-kryeministri Sali Berisha

Ish-kryeministri Sali Berisha është rikthyer pas në kohë dhe ka folur mbrëmjen e sotme në lidhje me zgjedhjen e tij për herë të parë në krye të PD-së.

Berisha tha se Azem Hajdari u shkarkua padrejtësisht dhe pikërisht në atë moment e zgjodhën kryetar të PD-së.

Ai deklaroi në një dalje televizive se këtë gjë e kishte të vështirë ta pranonte, pasi vetë Azem Hajdari nuk ishte i pranishëm në mbledhje.

“Ata kanë luajtur një rol të rëndësishëm. Pashko ishte liberal, të tjerët ishin formim. Ishte intelektual, bëri atë që mund të bënte dhe duhet të bënte gjatë vitit 90, me intervista me Zërin e Amerikës. Në këtë kontekst ishte i avancuar, por historia është tjetër.

Zgjedhja ime është bërë në një moment kur shkarkuan me puç Azem Hajdarin. Kjo është e vërteta, t’i them gjërat siç janë. U votua në mungesë të tij dhe e shkarkuan, nuk e pranova. Nuk mund të shkarkohet tjetri në mungesë.

Shkarkimi që u bë një mungesë, u bë një shpifje aty dhe ata u mblodhën dhe i dhanë duart, ai për ne ishte tribun. Kur ngrihej ai me datën 8 dhjetor hipte mbi supet e studentëve e brohoriste “Poshtë Dinastia”. Kishin bërë një shpifje ordinere. E ka dëshmuar që ishte shpirt i lirë, veprimi i tyre ishte gabuar. Kjo imponoi futjen e një procedure demokratike”, theksoi Berisha./ CNA.al





Lajmet e fundit nga